Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 93.
28 maart 1533
Samenvatting oorkondetekst
Akte van verkoop voor schepenen van Hilvarenbeek, door Cornelis zoon van wijlen Claes Otten, aan Roelof zoon van wijlen Bartholomeeus Schilder, van de helft van een beemd, gelegen int Diessenbroeck bij die Hasendonck. De andere helft is van het Onser Vrouwen altair in Diessen.
Transcriptie
Wij Jan van Eijnde ende Willem Scellekens scepenen in Beke tuijgen onder onsen gemeijnen segel ǁ dat voer ons is coemen Cornelis zoen wilnere Claes Otten die helft tot hem als hij sede ǁ behoirende in eenen stuck beempts gelegen int Diessenbroeck bij die Hasendonck daer die ǁ ander helft aff toebehoert onser vrouwen altair tot Diessen noch ombedeijlt liggende heel ǁ gelegen metter eender zijden neven erffen Geraerts die Bije metter ander zijden neven erffen ǁ meester Cornelis Walschaerts hoedende metten eenen eijnde aen die vroent metten anderen eijnde ǁ optie Aa aldaer loopende welck helft inden stuck beempts voers. Cornelis voers. tegen ǁ Jann. zoen wilnere Colen Cleijs bij coope erffelijcken vercregen hadde gelijck als dat in scepenen ǁ letteren van Beke daer op gemaect volcomelijcker begrepen is heeft Cornelis dese helft inden stuck ǁ beempts voers. wittelijcken ende erffelijcken oevergegeven ende opgedragen Roeloven zoen wilnere ǁ Bartholomeeus Schilder tsamen metten scepenen letteren voers. ende met allen den recht hem daer inne ǁ ennichsins toebehoirende met afgaen ende verthijden in manieren als dat gewoenlijck is geloevende ǁ op hem ende op allen zijn gueden hebbende ende vercrijgende dese opdracht Roelove. voers. altijt vast ǁ ende stentich te houden sonder ennich wederseggen ende allen commer ende calaengie van zijner ǁ wegen daer inne wesende altemael aff te doen den selven gegeven int jaer ons heeren ǁ duysent vijfhondert ende drijendertich achtentwintich dage inden merte