Hilvarenbeek

Evert Andries Dirricken als man ende momboir van Cathalijn ǁ sijne huijsvrouwe dochter Peter Hendrick Daemen heeft vercocht ende geloeft ǁ als een schuldenaer principael jaerlijcke ende erffelijcke te gelden ende te betaelen Hendrick ǁ Bartholomeus Volders als rentmeester, ende tot behoeff vanden manhuijse alhier ǁ gefondeert bij wijlen Jan van Spreuwel, ofte aende rentmeester indertijt wesende ǁ eene jaerlijcke ende erffelijcke rente van twee gulden tot twintich stuvers ǁ elcken gulden gereeckent, in goede gevalueerde ende gepermitteerde munt ǁ alle jaer op lichtmisse, ende eerstmael op lichtmisse XVI^C negen ende sestich ǁ uijt ende van sijn huijsvrouwen kindts gedeelte, wesende d helfte on[verdeijlt] ǁ in eene aenstede, met hunne gronden ende toebehoorten, tsaemen ses lopensaet ǁ ofte daer omtrent begrijpende, gestaen ende gelegen aende Westerwijck ǁ alhier onder Hilvarenbeeck, tusschen erffenisse de weduwe Peeter Fiers ǁ westwaert, neve erve vande weduwe Cornelis van Dun, ende de weduwe ǁ Hendrick van Raeck oostwaert, streckende suijtwaert aende vroente ǁ ende aen erve Jan Adriaens van Trier noortwaert, wesende los ende vrij ǁ van alle renten pachten ende chijnsen soo die vercopere verclaerde, ende ǁ deselve Evert vercopere heeft gelooft als een schuldenaer principael ǁ onder verbintenisse van sijn persoon ende goederen, hebbende ende verǁcrijgende, desen voors(creven) rente te waeren gelijck men erffrenthen met recht ǁ schuldich is te waren, ende d'onderpanden voorschreven altijt goet seker ǁ ende weldoegende te maecken voor de betalinge der jaerlijcke rente ǁ voorschreven, met voor waerden in deser toegedaen, dat die voorschreven verǁcopere alle jaer op lichtmisse tot sijnen schoonst[en] alst hem gelieven sall ǁ coomen sal mogen, ende lossen ende quijten dese voorschreven jaerlijcke ende ǁ erffellijcke rente metter somme van tweendartig gulden, ten prijsen ǁ ende inne munte voorschreven, altijt metter jaerrente achterstel ǁ ende verloop, ten tijde vanden los ten achteren, ende onbetaelt staende,ǁ behoudelijck, den los een half jaer van te vooren op te seggen, getuijgen ǁ waren hier over Thielman Lemnius, ende Adriaen van Trier,ǁ schepenen der dinghbancke van Hilvarenbeeck, Gegeven int jaer ons ǁ heeren XVI^C negen ende sestich, den negenden dach der maent martij.ǁ H. Pannekoeck ǁ

In dorso:
Voort Gasthuijs van ǁ Beeck,ǁ Evert Andries Dircken ǁ 9e maart 1669.ǁ