Hilvarenbeek

Wij Jan van Gorp ende Jan van Mol scepenen in Beeck tugen onder onsen gemeijnen zegel dat voir ons zijn coomen ǁ Goeijarts. wilner Henrijcs van Spreuwel die wilner Henrijc bij Jutten zijnre huijsvrouwen dochter wilner Gerit Hessels ǁ wittelijcken vercregen hadde Henrijck Jan Wijtens.  als man ende momboir van Henrijcsken dochter wilner Henrijcs ǁ ende Jutten voirs. Ariaens. wilner Henrijcs. wilner Henrijcs ende Jutten voirs. Zeger Ariaen Zegers. als man ende ǁ momboir van Marijen zijnre huijsvrouwen Peter Wouter Ottens. als man ende momboir van Jutten zijnre huijsvrouwen ǁ Cornelis Jan Tielmans. als man ende momboir van Elizabetthen zijnre huijsvrouwen Aert Henrix Vingerhoets. ǁ als man ende momboir van Jenneken zijnre huijsvrouwen ende Joost Ariaen Jan Sijmons. als man ende momboir ǁ van Kathelijnen zijnre huijsvrouwen dochteren wilner Henrijcs voirs. voir hen selven ende voir Henrijcsken hunnen broeder ǁ daer sij gesaemenderhant voir geloeft hebben ende Goeijart Stevens. vanden Langrijt als momboir ende Herman ǁ Gerit Hermans. als toesiender metten rechten gestelt van Ariaenen Gerijden Peterken ende Cornelus onmondige ǁ kijnderen wilner Claes. wilner Henrijcs van Spreuwel ijerst genoempt daer sij voer geloeft hebben Ende hebben ǁ een erfdeijlinge ende erfsceijdinge met malcanderen bij raide van hueren vrienden gemaect ende gedaen ǁ van alsulcken erffelijcke pachten dair wilner Henrijck van Spreuwel douwe inne bestorven is over ǁ mits welck erfdeijlinge ende erfsceijdinge wille soe sal Henrijck Jan Wijtens. als momboir van zijnre ǁ huijsvrouwen hebben ende erffelijcken besitten twee mudden rogs erfspachts uuijt vijf mudden rogs die ǁ maten van Tilborch welcke twee mudden inde ter tijt geldende is Henrijck Lauwreijs Hoeffkens. noch een ǁ mud rogs erfspachts der maten van Tilborch op Cornelis Wouter Mathijs tot Tilborch Item noch die helft ǁ van eenen mud rogs erfpachts d'welck Henrijck weduwe Goeijart Joes. van Borkel met haeren kijnderen ǁ jaerlijcs geldende sijn uuijt eenen beempdcken geheijten den Notelt allet nae inhout van scepenen letteren ǁ daer op gemaekt Op welcke gedeelte die ander mede deijlderen wittelijcken ende erffelijcken  wegen ǁ

hebben tot behoeff van Henrijcken ende zijnre huijsvrouwen voirs. Ende op alle scepen letteren ende voirwaerden ǁ mencie dair aff makende ende gewach doende in manieren als dat gewoonlijck is Ende hebben geloeft ǁ te weten Goeijart ende die kijnderen wilner Henrijcs van Spreuwel des jongen optie verbijntenisse ǁ van allen hueren goeden ende Goeijart Stevens ende Herman als momboir ende toesiender optie verbijntenisse ǁ van allen den onmondige kijnder voirs. goeden hebbende ende vercreijgende dese erfdeijling Henrijcken voirs. ǁ altijt vast ende stentich te houden sonder ennich weder seggen Ende allen commer ende calangie elck van zijnen ǁ wegen ende den geenre daer sij voir geloeft hebbenals voirs. is altemael aff te doen derselven met ǁ voirwaerden toegedaen in dijen op dit gedeelte ennigen commer met recht quaem off dat Henrijck ǁ van zijnen erfpachten in heele off in deele met recht ontwaert worde soe hebben dese mede deijlderen ǁ inden naem als voir optie verbijntenisse voirs. geloeft dien commer alsoe coomende malcanderen kijnt ǁ kijntsgedeelte te helpen gelden ende te draegen sonder argeliste Gegeven int jaer ons heeren dusent ǁ vijfhondert eenende vijftich thien dage inden meerte ǁ Steltacker de ma[***] scabini ǁ

In dorso:
rescriba ǁ Henrick Jan Wijten ǁ