Hilvarenbeek

Wij Willem Aerts ende Cornelis Willems vander Langrijth schepenen inne Beeck ǁ tuijghen onder onsen gemeijnen zegule dat voor ons comen is Peter sone Sijmon ǁ Mertens van Hoeffve ende heeft geloeft als een principael schuldenaer Deonijsen ǁ Peters vander Huijgevoert dat hij gelden ende betalen sal den selven een jaerlijcke ǁ ende erffelijcke rente van [drije] carolus gulden ende thien stuijvers, twintich stuijvers voor ǁ elcken carolus gulden gerekent ofte die werde in andere goede gelde daer voor ǁ alle jaer op onser liever vrouwendach lichtmisse, waervan den eersten ǁ verscheijndach wesen sal lichtmisse eerstcomende, ende dat uuijt en van sijnder ǁ huijsinghe ende hoffinge metten erffenisse daer aenliggende ende daer toe behoirende ǁ gestaen ende gelegen onder de prochie van Diessen ter plaetse geheijten op ǁ Haghorst aldaer [tusschen] erffenisse Pauwels Leunis westwaert, ende erffenisse ǁ Dirck Diercx de Mesmaecker oost Geraert Jooris noortwaert streckende ǁ oistwaert ende suijtwaert beneffens die Vrundt als hij seijde Ende heeft ǁ geloeft Peter Sijmon Mertens voors. opte verbijntenisse van allen sijne goedten ǁ hebbende ende vercrijgende dese erffrente voors. te waeren [l]oss ende vrij gelijck men ǁ erffrente mit recht schuldich is te waeren ende den onderpanden altijt goet seker ǁ ende weldoghende te maecken voor die betalinghe der [***] erffrente voors. ǁ Gegeven int jaer onss heeren duijsent sesse hondert ende twelff den derthienden ǁ dach der maent van meert ǁ

In dorso:
Deze rente verpandt opt goet ǁ gecocht bij Marten Geertsen Braet is [***] ǁ Willem Wouters van Breze ǁ is gelost ende gequeten, aen Jan Wouters van Hove ǁ ende aen Meriken Jan Wouters van Hove ǁ dochtere Deonijs van [***] ǁ huijsvrouwen [***] Merten Mijss ǁ is dese [***] gecasseert [***] ǁ [***] ǁ Substituut Secretaris ǁ