Hilvarenbeek

Wij Dierck van Trier ende Henrick van Eynde scepenen in Beeck tuygen onder onsen gemeynen zegel dat ǁ voer ons is coomen Dierck zoen wilner Diercx de Mesmaeker, ende heeft erffelycken vercocht ende ǁ geloeft te gelden ende te betalen jaerlijcken ende erffelycken Adriaenen Cornelis Martenss. eenen jaerlycken ǁ ende erffelycken pacht van eenen mudde roggen der maten van Oijsterwijck, ende binnen dier ǁ vryheyt aldaer te solveren alle jaer op Onser Vrouwen dach Lichtmisse, uuyt ende van zynder ǁ huysinge ende hoevinge metter toebehoeren metter erffenisse daeraenliggende ende daer toe ǁ behoerende, omtrent vyffendertich lopenssaet begrypende gelegen tot Diessen op Hagorst tussen ǁ erffenisse Mathys Aelbrechtss. van Aelst optie een zyde ende tussen erffenisse des rectoirs ǁ van Sinte Sebastiaens altair inder kercken van Diessen geheyten die moervelden optie andere ǁ zyde streckende met beyde den eynden aen der vroent, Item noch uuyt ende van twee stucken erffs ǁ neven een liggende geheyten die honsbeempden gelegen ter plaetsen voers., tussen erffenisse ǁ der kynderen Jans die Busser optie een zyde ende met beyde den eijnden als hij sede, ende ǁ Dierck voers. ende met hem Dierck zijn natuerlyck zoen hebben geloeft gesamenderhant ǁ ende onversceyden op hen ende op allen hen gueden hebbende ende vercrigende dese erfpacht voers. ǁ te waeren zoo men erfpachten met recht schuldich is te waeren, ende donderpanden voers. ǁ altyt goet zekere ende waeldoegende te maken voer die betalinge des erfpachts voers. ǁ gegeven int jaers ons heeren duysent vyffhondert ende vyftich, twelff daghen in ǁ februario