Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 69.
26 oktober 1395
Samenvatting oorkondetekst
Akte van verkoop voor schepenen in Hilvarenbeek door Gherijt Gherijt Jueten aan Vranck natuurlijke zoon van wijlen heer Ghijsbrecht, persoon in de kerk van Diessen, een jaarlijkse erfpacht van 19 lopen rogge, uit een beemd genaamd die Morttel, land genaamd dat Cuijputken, land genaamd die Stummerdonc en uit een hof met aangelegen heiveld.
Transcriptie
Wy Geers Vos zoen ende Ian vanden Kerchof scepen in Beke tughen onder onsen ghemeynen zeghel da[t] ǁ voer ons is comen Gheryt Gheryt Iueten zoen ende heeft vercoft in enen wittighen cope Vrancke ǁ natuerael zoen wilnere heren Ghiisbrechts persoene der kerken van Dyessen alsmen zeeght neghentyen ǁ lopen rogs iaerliics ende erfeliics pachts allen iaer op Onser Vrouwen Dagh alsmen kersen dreeght ǁ te ghelden die welc hem Hubrecht Willem Rutten zoen gheldende is uut enen stuc beempts ghe ǁ heyten die morttel tusschen der erfenis Ians vander Haghorst optie een zide ende tusschen der erfenis ǁ Meliis Sybben optie ander zide ende uut enen stuc lands gheheyten dat cuyputken tusschen der erfenis ǁ Ians voers. optie een zide ende tusschen der erfenis Gheriits vanden Rode optie ander zide ende uut ǁ enen stuc lands gheheyten die stummerdonc tusschen der erfenis Henric Tsweens optie een zide ende ǁ tusschen der erfenis Meliis Sybben optie ander zide ende uut enen hof met enen heiide velde daeraen ǁ ligghende tusschen der erfenis Meliis Gheriit Iueten zwagher optie een zide ende tusschen der ǁ erfenis Andries vander Haghorst optie ander zide gheleghen als sy seyden hieren boven quam Laureyns ǁ vanden Rode ende voet siin blikende ghelt Gods penninc liifcope ende hoetghelt te quiten en te loessen ǁ met recht van naerscappen dese voers. neghentyen lopen rogs erfpachts ende voet daer toe te ǁ doen allen dat die scepenen kenden dat hy daer sculdich te wete doen ende datte doen in alder tyt ǁ dit hyt met recht doen soude ende vraeghde den voers. Vrancken oft hy hem die naerscappe woud ǁ kennen doen seyde Vrancke voers. ia hy kende hem die naerscappe ende verteegh daer halmelyc ǁ op tot behoef Laureyns voers. ende daer na is Laureyns voers. in dese vers. neghentyen lopen rogs ǁ erfpachts ghehoef ende gheerft als ghewoenlyc ende recht is ende heeft gheloeft [G]eriit ǁ voers. op hem ende op syn goet dat hy heeft ende cryghen mach dese voers. neghentyen lopen ǁ rogs erfpachts den voergh. Laureyns te warnen tot euwighen daghen alsmen erfpacht sculdich ǁ is te warnen ghegeven int iaer ons Heren dusent dryhondert tneghentych ende vyve des ǁ dynsdaghs na Sente Severyns dagh