Hilvarenbeek

Wij Wouter van Spreuwel Niclaes Wuestenborchs ende Wouter Sledden schepenen ǁ der vrijheijt ende dingbancke van Hilvarenbeeck, tuijgen onder onsen gemeijnen zegel ǁ dat voor ons is comen Geraert sone wijlen Peter Geraerts van Spreuwel ende ǁ heeft vercocht ende geloeft als een schuldenaer principael, Cornelisen Goijaerts Ver[rijth] ǁ ende Peeteren Aert Mijs als momboiren ende toesienderen vande onmundige kijnderen van ǁ Jan Goijaerts Veraa, dat hij den selve onmundige kijnderen jaerlijcken ende erffelijcken ǁ sal gelden ende betaelen eene jaerlicke ende erffelijcke rente van sess carolus gulden ǁ ten prijse van XX stuijvers elcken carolus gulden gerekent off de weerde daervoor [ieder] ǁ jaer op Sinte Jan Baptisten dach inden midsomere ende ierstmael opten feestdach van Sinte ǁ Jan Baptisten dach ierstcomende, uuijt ende van een stuck saijlandts twee loopensaete ǁ
veertich roijen begrijpende genoempt den notel gelegen binnen Hilvarenbeeck onder ǁ Eijsbeeck ter plaatsen genoempt, de notels, aldaer, aldaer neven erffenisse der ǁ weduwe Servaes Matijssen suijtwaert ende noirtwaert, derve Willem Claes Dan[iels] ǁ oistwaert ende westwaert, loss ende vrij, als hij seijde, ende die voors. Geraert ǁ vercopere heeft geloeft als een schuldenaer principael op hem ende alle sijne goederen ǁ hebbende ende vercrijgende dese erffrente te waeren gelijck men erffrenten met recht ǁ schuldich is te waeren ende donderpanden voirs. altijt goet seeker ende weldoegende ǁ te maecken voor die betaelinge der erffrente voirs., met voorwaerden dat hij ǁ
vercopere met sijne goede betaelinge houdende deen jaer uuijt dandere, dese ǁ rente jaerlijcx sal moegen betaelen, met vijff dergelijcke carolus gulden ende ǁ dat hij deselve rente, altijt op Sinte Jan Baptisten dach, tot sijnen schoonsten als ǁ hem sal gelieven sal moegen lossen metter somme van hondert carolus gulden ten ǁ prijse als voor, altijt metter jaerrente ten achteren ende ombetaelt staende ǁ ende allen den achterstel ende in munte ten tijde vande quitinge cours ende ǁ
loop hebbende, behoudelijck den loss een halff jaer van te voiren op te seggen ǁ Gegeven int jaer ons heeren duijsent ses hondert een en veertich den sessenǁtwintichsten september