Hilvarenbeek

Wy Adriaen Mathyss vanden Nuwenhuys ende Willem Henrick Bruers scepenen ǁ in Beeck tuygen onder onsen gemeynen zegel dat voer ons is comen, Jacop ǁ zoen wilner Claeus Jan Claeus Ceelen zoen, ende heeft erffelycken vercoft ende ǁ geloeft te gelden ende te betalen jaerlycken ende erffelycken Adriaenken weduwe wilner ǁ [..]ns zoen Bartholomeus Myss, een jaerlycken ende erffelycken rente van drie ǁ karolus gulden twintich stuvers voer elcken karolus gulden gerekent, oft ǁ die weerde in anderen goeden gelde daer voer alle jaere op Onser ǁ Vrouwen dach Lichtmisse, ende waer af den yersten dach van betalingen syn ǁ sal van morgen over een jaere uuyt ende van eenen stuck erffs geheyten het ǁ Eussel liggende tot groese gelegen omtrent der Voert ter plaetsen geheyten ǁ int Broeck aldaer, tussen erffenisse Willem Rysbosch optie een zyde, ende ǁ tussen erffenis Cornelis Mathys Meynendoncx zoen optie andere syde, streckende ǁ vander erffenis Henricx zoen wilner Thomas Henrick Driess totter erffenisse ǁ der kynderen wilner Matheus Stalpaerts als hy sede, Ende Jacop vercoper ǁ voers. heeft geloeft op hem ende op allen syne goeden hebbende ende vercrygende ǁ dese erffrente voers. te waren loss ende vry gelyck men een erffrente met ǁ recht schuldich is te waren, ende dat voers. onderpant altyt goet zeker ǁ genoch ende waeldogende te maken, voer die betalinge des erffchyns voers. ǁ Gegeven int jaere ons heeren duysent vyffhondert vierende tsestich ǁ den yersten dach february ǁ J Boltacker Secretaris ǁ fi XIII ǁ

In dorso:
Adriaenken weduwe van Bartholomeuss ǁ Henrick zoene Jan Andries heeft geloeft deser date ǁ alzoe te gelden ende te betaelen dat zyn ǁ suster ende bruers sullen blijven [scadelos] ende ǁ ongehauden, actum den vijst[insten] mert ǁ sestien hondert achtentwintich, aldus gedaen ǁ voer ons schepenen ǁ Wouter van Spreuwel ǁ Jan Mertens vander Zande ǁ Op Jan Jannen ǁ Damen jaerlijcx ǁ [***] guldens ǁ Heilige Geest ǁ Folio 47: Hendrick Jan Andriesen ǁ