Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 62.
26 februari 1385
Samenvatting oorkondetekst
Akte van verkoop voor schepenen van Hilvarenbeek door Henric Coper aan Willem Jan van Westerwijc ten behoeve van de tafel van de heilige geest in de kerk van Hilvarenbeek van een jaarlijkse erfpacht va een half mud rogg uit twee stukken land, een aan de andere kant van Biest en een aan den Eeckhof.
Transcriptie
Wii Peter Tsniders [ende] [Cla]us van Sprewel scepenen in Beke tughen onder onsen ghemeynen zeghel dat voer ǁ ons is comen Henric gheheten coper ende bekende hem hebben vercoeft Wilheme zoen Ians was wilnere ǁ gheheten van West[er]wiic tot behoef der tavelen [des] Heijligeest in der kerken van Beke. Een half mudde rogs ǁ der maten van Beke erfeliixpachs den welken erfpacht die selve Henric gheloefte te verghelden erfeliic ǁ alle iaer op Onser Vrouwen dach [t]er Liichtmisse den meesters die in der tiit wesen zullen der tavelen voirs. ǁ tot behoef der selver tavelen uut ende van twe stucken lands dat een liggende aen die ander zide van der ǁ Byst streckende neven erfenisse Wilhems zoen Geruden van der Laet ende dat ander liggende voir aen den ǁ Eechof streckende neve Claus Wouters kinder erfenisse dats te weten half dat stuc lands dat wil- ǁ nere was als dese partien seyden Wilhemen Steuens ende die selve Henric gheloefde Wilhemen den coper voirs. ǁ tot behoef der tavelen voirs. dese voirs. onderpande te waren op hem ende op siin goet ende alle voir ǁ commer daer in wesende altemael af te doen den selven uut ghenomen den erfpacht voirs. ende uut ghe- ǁ nomen oec tsheren chijns van den gronde ghegevene tsondag[***] nae Sente Mathiis dach apostels int iaer ǁ ons heren dusent driehondert tachtentich ende vive