Hilvarenbeek

Wy Jan van Eynde ende Willem Scellekens scepenen in Beeck tuijgen onder onsen gemeynen zegel dat  voor ons zyn ǁ coemen Kathelijn weduwe wilner Jan Huijbrecht Willems. met haeren momboir haer kijnderen haer gegeven alsoe ǁ als recht is ende met haere Huybrecht haer wittige zoen, in den naem van hen selven ende in den naem vande ǁ anderen kijnderen wilner Jans voers. daer zij gesamenderhant voer geloeft hebben ende hebben erffelijcke ǁ vercocht ende gesamenderhant geloeft te gelden ende te betalen jaerlycken ende erffelycken Heijlwegen ǁ ende Kathelynen gesusteren dochteren wilner Wouters s. wilner Wouters Henrick Meeuss. Anthoenissen ǁ Peter Briendts s. als man ende momboir van Maryen zijnder huysvrouwen dochter wilner Wouters ǁ voers. tot behoeff van hen selven ende tot behoeff van Wouteren haeren brueder, Een jaerlycke ende ǁ erffelykcken rente van vyff Carolus gulden twintich stuvers voer elcken Carolus gulden gerekent ǁ offte rechte werde daer voer in anderen goeden gevalueerde gelde alle jaer op Onser Vrouwen ǁ dach Lichtmisse waer aff den yersten betaeldach zijn sall van Onser Vrouwen dach Lichtmisse ǁ naestcoemende over een jaer uuyt ende van eender huysinge ende hoevinge met haeren gronden ǁ ende toebehoerten metter erffenissen daer aenliggende ende daer toe behoerende gelegen tot Baeschot ǁ metter eender zijden neven erffenissen Gijsbrecht Verwaest metter andere zijden ende metten eenen ǁ eijnde aen die vroent dander eynde aen erffenissen Wilbort Brouwers als zij seden, Ende Kathelij[n] ǁ met haeren momboer voers. ende huysvrouwe  inden naem als voer hebben geloeft op hen ende [op] allen hennen ǁ goeden hebbende ende vercrygende dese erfrente voers. te wetenen al sinen erfrente niet altyt sculdich ǁ is te wetenen, ende donderpant voer die betalinge der erfrenten zeker altijt goet genoch ǁ waeldoegende te maecken ende zeker genoch. Gegeven int jaer [ons Heeren] duysent vyf hondert ǁ ende sevenendertich vyfthien dagen in septembri

dorsale aantekening:
dair kynderen Wouters soen Wouters Henrick Meeus. vanden Nieuwenhuys ǁ Opten vijfde octobris 1607 is hier in-ǁ gelost vijff ende twintich stuvers tsjaers ǁ gelijck Henrick Wouter Wouters vanden ǁ Nieuwenhuijse bekent heeft present ǁ ende als procuratie hebbende van sijne ǁ andere susters blijckende bij procuratie ǁ voir scepenen van Staveren in Vrieslandt ǁ gepasseert in date XVIc seven ǁ
consenterende inde cassatie vanden selve ǁ XXV stuvers tsjaers ǁ Bartholomeus de Cort