's-Hertogenbosch

Wilbrort sone wylen Henrix Jansz. Peynenborchs zoo voor hem ǁ selven ende mede voor Jenneken zyn sustere, dochtere des voors. Henrix Jansz., voorde welcke hy (met consent) ǁ zoo hy affirmeerde der zelver syne susteren hem fort ende sterck maect mitz desen, heeft wittelyck ende erffelyck ǁ vercoft Adriessen sone wylen Michiels Henrixen van den Nyeuwenhuyse, eenen jaerlicken ende erffelycken ǁ chyns, van tweendertich carolus gulden tot twintich stuvers tstuck, goets gancber gelts, te betalen ǁ alle jaer erffelick inden hoochtyde van Onser Liever Vrouwe Lichtmisse, ende voorden iersten ǁ termyn van betalinge inden hoochtyde van Onser Liever Vrouwe Lichtmisse anno XVI^c ende seven, ǁ ende binnen Shertogenbosche vry van allen beden, thiensten, twintichsten, hondersten ende alle ǁ  andere meerdere ende mindere penningen commeren, schattingen ende lasten, gewoonlick ende ongewoonlicken ǁ innegestelt ende namaels ingestelt te wordene, egeene lasten uutgescheyden te leveren ende ǁ te vergelden, van ende uut huys, schuere, henne gronden, hoff ende ackerlant ende groeslant malcanderen ǁ all aen eenen plack aenliggende, driendetwintich loopensaten lants oft daeromtrent tesamen begrypende ǁ gelegen inde parochie van Diessen, ter plaetsen genoemt den Haechorst, onder de dingbanck van ǁ Hilvarenbeeck, tussen erve Dierick Dierixsz. Mesmakers aen deen syde, zuytwaerts ende noortwaerts ǁ tussen erffenisse Jans sone Wilborts Aert Geritsz., Streckende metten oosteneynde aen de gemeyne ǁ vrundt, ende metten westeneynde aende erffenisse Dierix sone Thomas Dierix Joordens soo hy verclaerde ǁ van den zelven coopere metten erffrecht te hebben en(de) te besitten, ende heeft de voorn. vercooper ǁ den voors. chyns den voorn. cooper opgedragen met helmelingen vertydenisse in manieren indien gewoonelick ǁ zynde, Geloven(de) de voors. vercooper als schuldenaer principael op verbant van zynen persoon ende alle zijne ǁ goederen present ende toecomende, dat hy den voornoemde coopere vande voors. chyns schuldige ende gerechte zall doen, ǁ warantschappe, ende dat hy allen anderen commer, calangie ende aentael inde voors. onderpanden wesende oft comende ǁ den voornoemde cooper aff zall doen geheelick uutgenomen den grontchyns van drie ende eenen halven stuvers aende heere ǁ van Oirschot, eenen erffelicke chyns van vyff gulden aen meester Jan Leyten, eenen erffelicke chyns van dertich stuvers aen Dirick ǁ Jans Leenen, ende eenen erffelicke chyns van twee stuvers een ort, aen Ardt Mijs jaerlycks van te voren ende van rechtsǁwegen van ende uute voors. onderpanden te vergelden staende, soo hy sede, ende dat hy oock de voornoemde onderpanden voorde betalingen ǁ
des voorscreven chyns den voorn. coopere jaerlycks daer uut voors. staet, te vergelden, altyt goet genoch ende weldogende sall ǁ maecken ende houden, gethuygen waren hier over schepenen in Shertogenbossche Peeter van Gestel ende ǁ Johan Bardoul, gegeven den achtentwintichsten dach february int jaer ons Heeren duysent
zesshondert ende sess ǁ J.v. Hees

Dorsale aantekening:
Dese rente is geredimeert op sess ende dertich carolus gulden tsiaers gelyck Andries Michiels. van den ǁ Nieuwenhuyse bekent ende geconsenteert heeft ter presentie van Willem Aert Thielmans ǁ ende Mathys Anschems de Crom scepenen inne Hilwarenbeeck opten negenthiensten may anno ǁ
duysent sesse hondert ende elffne ǁ quod attestor ǁ Bartholomeus de Cort ǁ Andries sone wylen Michiel Henricx van den ǁ Nyeuwenhuyse, als executeur van den testamente ǁ van wylen Cathelyn Mertsen van den Ven syne huysvrouwe ǁ was doen sy leeffde, heeft bekent dat ǁ Wilbort sone wylen Jan Henrick Paijnenborchs ǁ inne dese rente voor[***] ǁ affgelost ende gequiten twee ende dertich carolus ǁ guldens capitale penninge mette interest ǁ van dijen tot noch toe v(er)socht is consenterende ǁ inde aflatie van dyen actum 1e februarij ǁ van den jaere sesthien hondert ende negenthien ǁ quod attestor ǁ H. Ghijssels secretaris subscripsit ǁ Op den iersten jannewarij anno 1650 soo heeft Wilbort Peijnenberchs Jan Lambert Molenbroeck gequiten ǁ de somme van twee hondert gulden met den interest ten achteren was aen meester Lambert Verrijt ǁ als excuteur van den huijs aermen tot Hilwaren Beeck in mindernisse van de capitael penninghen ǁ actum desen 1 januwarij 1650 bij mij Lambert Verrijt Cornelius Wilborts Peijnenborchs ǁ Jan Wilborts Paeneborchs ǁ Bossch brieff ǁ eender rente van 36 gulden ǁ daer van gelost 200 gulden ǁ blijft noch 24 gulden jaerlycks ǁ voor de huysarmen tot ǁ Hilvarenbeeck geloeft ǁ by ǁ Wilbort Henricx ǁ Panenborch op Hagorst