[Hilvarenbeek]

Copia copije ǁ Tot Hilvarenbeke XXII^a septembris 1627 Coram Dominus Malineus et me Steenhuyse ǁ De schepenen gesworene bedesetters kerckmeesters Heylichgeestmeesters ende regeerders der prochie van Hilvarenbeke ǁ ende Diessen soo inden naeme van hun selven als alle andere gerecht wesende inde chaerte van hunne vroenten ende gemeynten ǁ voor soo vele elcken van hun aengaet impetranten van opene brieven van maintenue ǁ Tegens ǁ D'Ingesetenen vanden gehuchte vande Biest gelegen binnen de voors. prochie van Hilvarenbeke gehe[ten] ǁ Meester Adriaen Cooman[s] schouteth, Wouter van Spreuwel, Ghijsbrecht van Laerhoven Jan Martens vanden Zande, Niclaes Huijbrechts Woestenborchs Wouter ǁ Pauwels Sleden Niclaes [La]ureysen Aert Henricx Myssen schepenen, Christiaen Merten Aben Jan Franssen, Wouter Aert Driesch gesworen, Willem Peeters Adriaen Adriaensen ǁ van Haren, Willem Henrick [H]essels, Wouter Jan Wyten, Claes Claessen van Goirl, Cornelis Claesen de Gruijter, Dierck Merten Bunnen bedesetters Jan Henricx van Diessen Jacop Jan ǁ Huybrechs Cornelis Jos[ep]hs kerckmeesters, Peeter Bertholomeus Thielen borgemeester respective altesamen in persoone, geassisteert met hunnen advocaet vanden Broecke ǁ ende procureur Meys ǁ Niclaes Huybrecht Woeste[n]borchs, Anthonis Jan Jan Gerit Luyten, Hendrick Niclaes Melis, Adriaen Jasper Segers, Huybrecht Gerit Peters, Niclaes Aert Fiers, Aert Niclaes Fiers, Adriaen Ghysbrechts ǁ Huybrecht Loyen, Jan Aert [C]elen de Jonge, Niclaes Claessen van Goirle, Anneken weduwe Cornelis Wilborts, Peeter Jan Haghen, Corstiaen Huijbrecht Loyen Peter Dierck Peters ǁ Jan Jasper Segers, Corne[lis] Marcelis, Peeter Willem Wuestenborchs, Simon Hendrick Sanders, Jan Jan Wouters vanden Broeck, Adriaen Peter Stevens, Jan Aert Jans Jacob Peter ǁ Aerts, Dierck Peter Aerts, Wouter Jan Wijten, Jan Jan Peters, Merten Jan [onleesbaar]tens, Jan Jan Merten, Melis Willem Jan Claes, Hendrick Willem Henricx, Peeter Jan Mertens, Adriaen ǁ Willem Peeter Eelen, Wou[t]er Fransen van Esch, Jan Marcelis Jan Jacops, Jan Jacops Beiren, Adriaen Hendrick Pluym, Jan Hendrick Biekens, Peter Jan Peeters, Jan Janssen Ver[***] ǁ Jacob Steven Marcelis ter [pr]esentie van Gerart vande Wiel rentmeester vande Heyligengheest ten Bossche, alle naegebueren vanden Byest altesaemen in persone geassisteert ǁ metten advocaet Out[...]r ǁ Alle welcke voors. persoonen gec[om]pareert synde voor ons commissarissen tusschen de voors. partyen gedeputeert, geassisteert respective als boven, hebbende verstaen sekere ǁ middelen van accorde nope[nd]e de procedure tusschen de voors. partijen te hove hangende ombeslicht in materie van maintenue aengaende de Biestersche gemeynte, naer dien ǁ de voors. impetranten [van] hunder zyden hadden gedaen voor ons commissarisen hunne designatie mitssgaders afgeleyt hunnen thoon in conformiteyt vanden vonnisse ǁ tusschen de selve partyen [***]egeven, soo zyn zy eyntelyck door ons tussche[n]spreken geaccordeert inder manieren naer volgende, Te weten dat de beesten der ingesetenen ǁ
soo van Hilvarenbeke, al[s D]yessen, sullen hunnen ganck hebben, ende mogen weyen op het contengreux velt, tgene men noempt de Biestersche gemeynte, Inden verstande ǁ nochtans dat op de selv[e g]emeynte de beesten nyet en sullen moegen geh[o]et, noch met driften opgebracht worden, dan sullen die alleenlyck gestouwt mogen worden ǁ totte seynen paelen toe, de voirder nyet, Ende nopende het gemeyn hout staende op den houwtacker ende inde voors. gemeynte sal het selve blijven ten behoeve ǁ vande voors. ingeseten[en] vande Bijest, onder den last nochtans van te onderhouden de Stevoortbrugge, ende voorts alle andere brugskens, wegen stegen, ende dijcken ǁ inde voors. gemeynte s[ynd]e ende commende, Tot welcken eynde, de selve ingesetenen van der Byest sullen hebben de gemeijne behoirlycke potingen, Ende by aldien ǁ het gebeurde, dat ee[ni]ge alienatie der selver gemeynte noodich bevonden worde, en sal deselve niet mogen geschieden, dan met interventie van gemeyn consent ǁ van beyde der voors. pa[r]tyen, maer de gemeynte gelegen inden gehuchte van Biest sal blijven ter dispositie ende natuere als andere gemeynte gelegen in en(de) omtrent andere ǁ hertgangen ende sullen de [c]osten vande procedure, tusschen de voors. partyen geresen, ter tyt toe wy commissarisen syn vertrocken uuyt Bruessel blyven gecompenseert ǁ ende die ghene die daernaer geschiet zyn int overcomen, besorgneren wederkeeren als andersins sullen de selve gevonden worden, by gemeyn omslach ende settinge, soo ende ǁ in sulcker vuegen, gelycken gemeyne lasten binnen Hilvarenbeke ende Diessen respective gewoon is te vinden, Sullen oversulcx hiermede alle de voors. proceduren ende ǁ tgene daer van dependeer, commen te cesseren ende hebben de voors. partijen hinc inde versocht, Int onderhouden ende volbrengen van tgene voors. is bij ons commissarisen ǁ gecondemneert te worden, hebben wij deselve daer inne gecondemneert als wij condemneren bij desen, Onderstont geschreven metter eygene hant van voorseyden ǁ  heere commissaris Steenh[u]yse, naer voorgaende behoirlijcke collatien is dese copye mitten originael minute bevonden te concorderene by mij ende was ondertekent ǁ Steenhuijse ǁ D'accort van dese copije tegen mette voors. copije gecollationeert ende ondertekent bij den voorseijden commaris Steenhuijse totter voorseijden ǁ procedure mede gedeputeert geweest, ende secretaris vande rade van Brabant, verificere ende affirmere ick Huijbrecht Ghijssels secretaris ǁ der vrijheyt ende dingbancke van Hilvarenbeeck onder mijne gewoonlycke signature ǁ H. Ghijssels secretaris subscripsit ǁ