Brussel

Ian bider gratien gods h[ertoge] van Lotharingen van Brabant ende van Lymborch marcgreve des heylichs riics, Onsen scoutheit ende rentmeester vanden ǁ [Bosch] saluut wan[t] da[t] [***] luden wonende inder prochien [va]n Beke toebehorende onsen geminden Ian here van Petershem ons hebben doen thoenen dat die ǁ [inge]seten[en der] prochien [van l]oen ende sommige andere hoe[re] gebuere hen vercorten aen hoeren rechten ende herbrengen van sekeren gemeynten vroenten ǁ ende heyden die s[.] altoe[s] die over menich iaer rastelic ende vredelic gebruyct hebben sonder een corte tiits herwart dat sii hen stoot ende hinder gedaen ǁ hebben [ae]n d[***]rdinge d[es] voirs. gemeynten v[e]ennen ende heyden tusschen ons ende den voirs. Ian here van Petershem, ende onser beyder onderseten ǁ ald[***] so ist [***] dair aff clairlic die waerheyt te weten, om tgeschille dat dair af is tusschen den voirs. partien neder te leggen ǁ ende [***] hebb[ende] behoude dat hem van recht toebehort ontbieden u ende bevelen ernstelic ende elken van u dat ghi die voirs. ǁ [rela]cien dair toe geroepen [***] [ae]ngehoirt hoerre beyder reden ende bescheidt ende allet dat si u soelen willen thoenen dair op een off meer waerheyden ǁ [en]de bes[***]e doet overmid[s] [***]sen ma[nne]n scepenen onderseten ende ouders vanden lande, also men van recht off gewoenten van lande in alsulken saken ǁ schuldich [is] te doen, ende de [***]n vanden voirs. versueken verkundicht met kercgeboden off anders also dair toebehort ende gewoenlic is ende uwes dair ǁ af gec[***] of anders [***]en ende be[.]hoeven bevonden sal werden, van beyder partien wegen voirs. vanden ghenen die billic dair af tuygen ǁ[***] bescheidelic over gescreven, onder uwe off onser mannen ende scepenen segelen die mit u dair over siin ǁ soelen [***] dingen [***]en wii u beiden, ende elken van u gheven volcomen macht ende sunderlinghe bevele mit desen brieve bevelende ǁ allen onsen ambacheren dienen [***] onderseten dat sii u hier in tuwen versueke bistendich behulpich ende bereet siin gegeven in onser stad van Bruessel ǁ XIII dage in meye int iaer ons heren M CCCC ende sesthien ǁ

Bi minen here den hertoge t[en re]lacien van sinen ǁ rade dair bi waren die abt van Hafflighem ǁ
here Henric van Bergen die heren van Heverle ǁ Raes van Graven Reyner Muers ende Henric ǁ
van Werthusen ǁ De dynter

In dorso: Commissie van hertoch ǁ Jan om beleijdt te doen ǁ tusschen Beeck ende Loon

Dit es voir die van ǁ beke ende van loon

Dato 13 meij 1416