Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 19.
31-01-1503 ns
Samenvatting oorkondetekst
Verklaring voor schepenen van 's-Hertogenbosch dat de criminele vervolging en berechting van Henrick Scellekens in 's-Hertogenbosch en Vught zonder nadeel is en blijft voor de heerlijkheid Hilvarenbeek.
Transcriptie
Allen ende enenyegelijcken die dese onse oepenen brieven zullen zien off hoeren lesen saluyt met kennisse der waerheit ǁ wij scepenen ende raet der stadt van SHertogenbossch doen condt, alsoe onlancx nae den hoechtijt van sunte Remeys dach lest-ǁ leden een genoempt Henrick Scellekens tot Hilwaerenbeke, onder die heerlicheit der edele vrouwe Margriet van Meluyn wedue ǁ wilner heer Jans van Meerroede etcetera ende joncker Jans hoerre beyder soene gevangen is geweest van quade feyten, ende ǁ criminelen saken, ende daer nae vuyter voirscreven heerlicheyt bijden hogenscouthet der voirscreven stadt, off zijnen stadthelden ǁ ende anderen sheeren dienaeren bynnen deser stadt opter gevangen poerten gebracht, ende tot Vucht om zijne quade feyten ǁ geinsticieert ende gericht is geweest bij consente ende oegeluykinge van Adriaen Brievinck scouthet in die voirscreven heerlicheit ǁ van wegen vrouwe Margriet ende joncker Jans voorscreven soe bekennen wij mits desen brieve, dat alsulcke justicie ǁ aentastinge ende gericht geschiet is sonder preiudijs vander voirscreven heerlicheit voer nu ende den toecomende tijden, des ǁ torconden hebben wij scepenen ende raet den zegel ad legata der stadt voirscreven aen desen brieff van non prejudijs ǁ gehangen, gegeven opten lesten dach der maent van januario int jaer ons Heeren duysent vijfhondert ende twee ǁ nae costume van scriven der stadt voirscreven
Dorsale aantekening
Brieven die non prejudicie ǁ voor den heeren van Beeck ǁ over zekere justicie bij den ǁ hoocheschouteth van s Hertogenbosch ǁ gedaen ǁ O P ǁ Laeste Januarij ǁ 1502