Brussel

Inder saecken geport ende hangende ombeslicht inden ǁ raide vande Eertshertogen onse genadige heeren ende princen geordineert in Brabant tusschen die gemeyne ingesetenen vanden gehuchte ǁ van Biest ende Westerwijck supplianten heer Floris van Merode baenderheere van Duffel et(ce)t(era). gevueghd ter eenre ende die gesworen ǁ borgemeesters ende regeerders van Hueckelem ende Enschot resribenten ter andere zyden Gesien ende gevisiteert wel ende int lange inden voors. ǁ raide t proces der voors. partijen so tselve aldaer bij communicatie is geinstrueert metten vonnisse interlocutoir tusschen de voors. partijen ǁ den elffsten meye zesttien hondert elffue gegeven, verbaelen dye volgende voor commissarissen vanden voors. raide gehouden ter signatien ǁ thoonen, schrifturen van reprochen ende salvatien ende andere stucken ende munimenten ter wedersyden geexhibeert, ende op al wel ende ǁ rijpelijkck geleth t hoff vercleert de schuttinge daerom tusschen partije questie is qualijck ende ombehoorlijck gedaen te zijn, ende dat ǁ die rescribenten voorsulcx sijn schuldich deselve costeloos ende schadeloos aff ende te nyete te doen, ende te restitueren t gene sij ter cause ǁ van dyen hebben genoten vande affgepande schapen, hun verbiedende dyer gelijcke meer te doen off t'attenteren dieselve rescribenten in ǁ t gene voors. in midts desen condempnerende, ende tot dyen inde costen van desen processe ter tauxatie ende moderatie vanden hove ǁ Aldus gedaen binnen der stadt van Brussele den lesten dach der maendt van aprille int jaer duysent zess hondert ende zesthiene ǁ Steenhuyse Secretaris ǁ M ǁ

Pliek:
Opten XVe juny 1616 hebbe ick Evaert ǁ Joachim Bonaerts deurwaerder vanden rade van Brabant ǁ uuijt crachte van voors. vonnisse ende ten versuecke vanden meestere ǁ vanden gehugte vande Biest ende Westerwijck suppleterende ǁ ende met sijn heer Floris van Merode here van ǁ Duffele gevuegde geinfirmeert t voors. vonnisse ǁ aen Adriaen Jan Geritsen borgemeester tot Hueckelem ǁ Aert Bertholomeus Daniels nabuer ende Aert Peterse ǁ [***] wonende tot Enschot om te sien ǁ t voors. vonnis ende tdoen pront[***] is [***]ǁ voors. vonnisse copije gegeven welcke voors. infirmatie ǁ [***] is partijen hebben geaccepteert last mij competeert ǁ van het exploit uuijt Turnhout plaetse mijne residentie ǁ drije gulden X Stuijvers ende ses t'oirconde ǁ Bonaerts ǁ

In dorso:
Vonnis over het schutten ǁ van schapen, tusschen ǁ de Biest en Westerwijk, en ǁ die van Huiklom en Enschot ǁ Nummero 18 ǁ Vonnisse tusschen die van ǁ Beeck ende Huijckelom ǁ N.N. ǁ Laeste april 1616 ǁ