Tilburg

Meester Franchois van Hanenberch soen wilner Walravens van Hanenberch heeft geloeft als een principael ǁ schulder te gelden te geven ende wel te betalen Joosten soon wilner Reijner Gherijt Reijnen eenen jaerlijcken ǁ ende erffelijcken chijns van zevenentwintich carolus gulden negenthien dalffven stuvers twintich ǁ stuver off de werde der selver [o]m anderen goeden gelde gelijck ten tijde de betalinge gemeijnlijcken ǁ cours ende ganck sall hebben ende van hant tot hant goede betalinge sal wesen te betalen alle ǁ jair op onsser lijever vrouwendach lichtmisse ende voor den ijersten termijn ende dach van ǁ betalinge tot lichtmisse nu naestcomende uuijt ende van twee hoeven met hoerder toebehoorten ǁ hem toebehoorende te weeten huijsingen hovingen met hoeren gronden ende erffnisse daer ǁ aen liggende ende daer toebehoorende het zij lant sant heijen weijen ende beempden straten ǁ dijcken, gorachten, holen, ende houtwasschen tusschen wijens ende soo waer die rakens bij off ǁ omtrent malcanderen sijn gelegen binnen der prochie van Tilborch ter plaetsse geheijten aende ǁ brouckzijde by bacxdijck in alle haerder lengden ende breijden in hoogen legen in diepen ǁ[in] drogen in  h[***]de oft m[***] beecken ende [.]n alles ende zoo verre die nu ter tijt immer deene ǁbij Peteren Jansz Wagemaeckers ende die andere bij Claesse Huijbrecht Schoemaecker in ǁ [r]aetschappe onder hen [***] worden gebruijct bewoont ende be[***]elt so hij seijde ǁ ende heeft geloeft de voorgenoemde meester Franchois va[n] Hanenberch als principael schulden[aer] ǁ op hem ende op alle sijn goeden die hij nu heeft ende nochn[a]emaels hebben ende vercrijgen sal ǁ mogen desen voors. chijns te wa[ren][***] erffchijnsen schuldich is te waren ende ǁ de voors. onderpanden altijt goet seecker [genoe]ch ende waeldoegende te maecken als [***] ǁ erffchijns van zevenentwintich karolus guld[en] negenthien dalff[.] stuvers voors. daer jaerlycx ǁ uuijt te gelden soe voorscreven staet ende commer ende calangie daer inne wesende altemael ǁ aff te doen den selve Oirconden heb[ben hier] over geweest scepenen in Tilborch ende [***] ǁom Aert Rembouts zoen ende [***] die den segell hoe[rs]gemeijns ǁscependoms desen brieff open aen hebben doen hangen int jaer ons Heeren duijsent vijff hondert ǁ ende drijentzestich den achste[*] dach d[ecembr]is ǁ