Tilburg

Jan Claeus Stevens soen heeft geloeft als een principael sculder hem te geven te gelden ende te betaelen Laureijsen ǁ soen wilnere Jan Berthouts eenen jaerlijcken ende erffelijcken chijns van drie rijnsgulden tweijntich stuvers tsjaer[s] ǁ alle jaer te gelden ende te betalen op onser lieve vrouwen dach lichtmisse uut ende van eenen huijs hoff ende erffenis d[aer] ǁ aenliggend ende daer toebeoerende, in alder groetten gelijck dat aldaer gelegen is inder prochien van Tilborch ter plaetsen ǁ geheijten die hoeven tusschen erffenis des convents van Tongerlo deen sijde ende tussen erffenis meester Jan van Vladeracker ǁ ende Steven Claeus Stevens dander sijde hoedende metten eenen eijnde aen erffenis des rectoers van sinte Kat[her]ijnen ǁ altaer inder kercken van Tilborch ende metten anderen eijnde aen die gemeijn straet als hij seijde ende heeft geloeft Jan voers. ǁ als een principael sculder op hem ende op alle sijn gueden hebbende ende v[...]gende dese drie rijnsgulden aff [***]ǁ voers. te waren alsmen erffchijns sculdich is te betalen ende dat huijs hoff metter [erf]fenis voers. altijt [***] zeker genoch ǁ ende waeldogende te maken als voer die betaling vanden erffchijns voers. ende allen c[omm]er ende calangie daer in wesende ǁ alte[m]ael aff te doen den selven orconden hebben hier over geweest scepenen in Tilborch [..]de Peter Laureijs ǁ Henrick Zwijsen soen ende Joest Berijs Eelkens soen die den zegel hoers gemeijns scependoms desen brieve ǁ open aen hebben doen hangen int jaer ons heeren dusent vijffhondert ende dertich den vierden dach maert ǁ 

in dorso:

bevonnist den 26 october 1660 ǁ bevonnist den 10 julij 1663 ǁ Laureijs Jan Berthoutss ǁ