Tilburg

Willem natuerlijck zoen wilnere Jans Vermee twee mudden roggen jaerlijcks ende erffelijcks pachts ǁ hem toebehorende te vergelden een ijegelijck jaer erffelijcken op onser liever vrouwen dacht lichtmisse uuijt ǁ ende van eenen goede gelegen ter steden geheijten holten tusschen der erffenis Adriaens vanden Dijck ende der ǁ gemeijnten van Tilborch, ende voert uijt allen ende eenen ijegelijcken alsulcken erffelijcken gueden als Wouter zone ǁ wilnere Lauwreijs vander Straten behouwelick hadde met Adriaen dochter Willem Gherits sone, soe waer die ǁ gueden gelegen sijn eest in haerden in weeken in diepen oft in droegen, welck goeij voers. Peter zoen Willem ǁ Gherits ende Aert zoen wilnere Aert Jacops sone als wittige man ende mombaer Juetten sijns wijffs dochter ǁ wilnere Gherits voers. vercregen hadde tegen Wouteren zoen wilnere Lauwreijs vanden straten voers. voer den voers. ǁ erffelijcken pacht vanden twee mud roggen voers. die welcke twee mud roggen erffpachts voers. die selve Peter ǁ ende Aert voers. daer uuijt geloeft hadden te gelden Wouteren voers. ende welck twee mud roggen erfpachts voers. die selve Peter ǁ Jan Janss. Vermee gecost ende vercregen hadde tegen Lauwreijsen Willemen ende Jannen gebruederen kijnderen ǁ Wouter Lauwreijs, Huijbrechten Ghijsbrecht Wijten, Marijen ende Luijtgaerden gesusteren dochteren Wouters ǁ voers. ende tot welcken twee mudden roggen erfpachts voers. Willem natuerlijck zoen wilnere heeren Jans voers. ǁ toecomen was midts eender erffdeijlinge ende erffscheijdinge gedaen ende gemaeckt tegen Jannen sijnen brueder ǁ gelijck dat in verscheijden scepenen brieven van Tilborch daer op gemaeckt volcomelijcker is begrepen ǁ heeft hij wittelijcke ende erffelijcke overgegeven ende opgedragen Adriaenen zoen wilnere Jan Leijten tsamen ǁ metten voers. scepenen letteren mentie daer aff makende ende gewach doende ende met allen den recht ǁ  hem ennichsins daer inne toebehorende met affgaen ende met vertijen in manieren als dat gewoenlijcken ǁ ende recht is, ende heeft geloest Willem voers. als schuldenaer principael op hem ende vertijen voers. altijt vast ǁ ende stendich te houden ende in sijnen name te doen houden sonder ennich wederseggen ende allen commer ende ǁ calangien van sijnre weegen daer op comende altemael aff te doen den selven, orconden hebben ǁ hier over geweest scepenen in Tilborch ende in Goerle Lauwreijs Henrick Zwijsen ende Claeus Henrickss. ǁ van Ghierl die den zegel huers gemijns scependoms desen brieve open aen hebben doen hangen ǁ int jaer ons heeren duijsent vijfhondert een ende veertich den derden dach februarij ǁ ss ǁ 

In dorso:

Adriaen Jan Leijten zone ǁ (***) vande ǁ pacht van kleijn Tilborgh ǁ voor twee mudden roggen ǁ 3 februarij 1541 ǁ