Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 602.
27 april 1538
Samenvatting oorkondetekst
Akte van transport door Meeus, zoon van wijlen Willem Verbunt, als momber, en Jan, zoon van wijlen Peter Lankens, als toeziener van Willem, zoon van wijlen Willem Verbunt en Jenneken, dochter van wijlen Willem Lankens, aan Vranck, zoon van wijlen Lenaert Verbunt, van een stuk heiveld, gelegen in de Rijlaer onder Tilburg.
Transcriptie
Meeus zoen wilner Willems Verbunt als mombaer ende Jan zoen wilner Peter Lankens als ǁ toesiender van Willemen zoen wilner Willems Verbunt ende Jenneken sijnder huijsvrouwen ǁ dochter wilner Willem Lankens, een stuck heijvelts Willemen voers. toebehorende seven lopensaet ǁ oft daeromtrent begrijpende gelegen inder prochien van Tilborch ter plaetsen geheijten dat ǁ Rijlaer tuschen erffenis Pauwels zoen Hanrick Willemss. deen sijde, ende metten enen eijnde aen ǁ die gemeijn straet ende voert rontomme die gemeijnt van Tilbrorch ende welck stuck heijvelts ǁ voers. Willem zoen wilner Bartholomeus Verbunt gecoft ende vercregen hadde tegen Jannen ǁ zoen wilner Bartholomeus Janss. gelijck dat in scepenen brieven van Tilborch daer op gemaect ǁ volcomelijcken begrepen staet, ende welck stuck heijvelts voers. Willem zoen wilner Bartholomeus ǁ Verbunt voers. vercregen hadde van sijnen voerkijnderen gelijck blijckt in scepenen brieven ǁ van Tilborch gelijck sij seeden, hebben sij wittelijck ende erffelijck vercoft overgegeven ende opgeǁdragen Vrancken soen wilner Lenaert Verbunt tesamen metten scepenen brieven ende voerǁwaerden mentie daer aff makende ende gewach doende ende met allen den recht hem ennichsins ǁ daer inne toebehorende met affgaen ende vertijen als dat gewoenlijcken ende recht is, ende ǁ hebben geloeft Meeus ende Jan mombaer ende toesiender van Willemen voers. op verbijntenissen ǁ van allen Willems voers. gueden nu hebbende ende naemaels vercrijgende dit vercopen overǁgeven opdragen affgaen ende vertijen altijt vast ende stendich te houden ende in sijnen naeme te ǁ doen houden sonder ennich wederseggen, ende allen commer ende calaengien van Willems voers. ǁ ende Willem sijns vaders voers. weegen altemael aff te doen den selven, Orconden hebben hier ǁ over geweest scepenen in Tilborg ende in Goerle Lauwreijs Hanrick Zwijsen ende Joest Beeris ǁ Eelkenss. die den zeghel huers gemeijns scependoms desen brieve open aen hebben doen hangen ǁ inden jaere ons heeren duijsent vijffhondert achtendedertich den sevenendetwintichsten
dach vanden April ǁ folium 1 ǁ
In dorso:
Vranck zoen Lenaerts Verbunt