Tilburg

Cont sij eenen ijegeliken dat voir ons scepenen ondergescreven ghecomen ende ghecompareert sijn Cornelis soen wilneer ǁ Herman Heijsten ter eender ende Jan soen wilneer Eeken Mutsaerts ter ander sijden, ende hebben onder hen ghedaen ǁ ende gheordineert een erffmangelinghe ende erffwisselinghe van sekeren erffebicheijden hijer nae bescreven daer ǁ mits welcke erffmanghelinghe ende erffwisselinghe wille Cornelis voirs. sall hebben houden ende erffeliken besitten ǁ inden ijersten een huijs hoff mit sijnen gronde ende erffenis daer aen liggende ende daer toe behorenden tsamen acht ǁ lopensaet off daer omtrent begripende gheleghen inder prochijen van Tilborch ter steden gheheijten aen der Stochasselt ǁ tussen erffenis der erffgenamen Wouter Gherits met beijden sijden ende mitten eenen eijnde aenliggende hodende metten ǁ anderen eijnde aen die ghemeijn straet aldaer, item daer toe een stuck lants gheleghen aldaer sevendalff lopensaet off ǁ daer omtrent begrepende tussen erffen Jan soen Jan Mutsaerts met beijden sijden ende mitten eenen eijnde aenliggende ende ǁ metten anderen eijnde aen die gemeijn straet, item noch een stuck lants vijfftalff lopensaet off daer omtrent begrependeǁ gheleghen aldaer tussen erffen der erffgenamen Wouter Gherits deen sijde ende tussen erffen Jan Peter Ansems dander sijde streckende vander ǁ ghemeijnder straten aldaer totter erffen Jan soen Jan Mutsaerts, Item noch een stuck lants gelegen aldaer vierdalff lopenǁsaet off daer omtrent begrepende tussen erffen Jan Somers deen sijde ende deen eijnde ende tussen erffen Jan soen Jan Mutsaerts ǁ dander sijde ende metten anderen eijnde aen erffen der erffgenamen Embrecht Eelkens als sij seeden heeft Jan voirs. in ǁ manieren van erffwisselinghe ende erffmanghelinghe wittelick ende erffelick overgegeven ende opghedraghen Cornelis ǁ soen wilneer Herman Grijsten voirs. met affgaen ende verthijen als dat behoerlijk is ende recht ende heeft gheǁloeft Jan soen wilneer Eelen Mutsaerts voirs. als een principael sculder op hem ende op allen sijn gueden hebbende ǁ ende vercrigende dit voers. huijs hoff gront ende alle erffenissen voers. te waren alsmen erven sculdich is te waren ǁ uut ghesceijden dat Cornelis voers. daer uut gelden ende betalen sall die tweedeelen in eenen mudde roggen erffpachts ǁ ten Bosch te leveren waer aff het dordedeel gelt Jan soen Jan Mutsaerts, ende dit tsamen te leveren, Item noch daer toe ǁ te gelden thijen lopen roggen erffpacht ten Bosch te leveren ende daer toe eenen scau waterlaet te onderhauden die doer ǁ deese erffenisse loopt soedat behort, ende die scauwe daer aff te verwaren, Item noch te gelden op Sinte Dionisius ǁ dach aen Lucas van Ammerzoijen drie stuvers ende een halff blanck off daer omtrent erffchijns, Item noch te ǁ gelden den heer van Tilborch omtrent eenen halven auden groten op Sint Stevens dach te betalen, Ende dat over ǁ geven opdragen affgaen ende verthijen altijt vast ende stentich te houden ende in sijnen naem te doen houden sonder ǁ ennich wederseggen Ende allen anderen commer ende calangie daer inne wesende altemael aff te doen orconǁden hebben hijer over gheweest scepenen in Tilborch end in Goirle Gijsbert Janss Vermee ende Jan Beris ǁ Eelbrenssen die den segel haers ghemeijns scependoms deesen brieff open aen hebben doen hangen int jaer ons ǁ heeren dusent vijffhondert ende eenentwintich den vijfften dach in februarioǁ [***]