Tilburg

Henrick ende Gherit gebruederen zoenen wilnere Gherits Henrick Smolders ende Jan zoen Claes Stevenss als man ende mombaer Marien ǁ zijnder huijsvrouwen dochter wilnere Gherits Henrick Smolders voors. hebben geloeft als principael schulderen gesamenderhant ǁ onverscheijden elck een voer all hoer te gelden te geven ende wel te betalen Geertruden weduwe wilnere Gherit Henrick Smolders voers. ǁ hunder moeder ende zweger eenen jaerlijcken ende erfflijcken lijffpacht van drie mudden roggen den lenen van Geertruden voers. ǁ alleenlijcken geduerende ende uijt langer alle jaer te vergelden op Onser Liever Vrouwendach Lichtmisse ende voerden iersten termijn ǁ tot Onser Liever Vrouwen dach Lichtmisse nu ierstcomende ende dat vuijt ende van allen ende eenen ijegelijcken hennen erfflijcken ǁ goeden als zij gehouden hebben ende achtergelaten zij van wijlen Gheriden Hendrick Smolders zoen voerschreven hennen vader ende ǁ zweer hoedanich die zij ende tot wat plaetssen, die gelegen oft bevonden sullen moegen wordden egeene daeraff vuijtgesundert ǁ soo zij seeden ende hebben daer en boven geloeft als principael schulderen gesamenderhant onverscheijden ende elck een voer ǁ all op hen ende op allen hen gueden die zij noch in toecomenden enden sullen mogen vercrijgen Geertruden voers. den voerschreven ǁ lijffpacht te waeren gelijck men erfflijcken lijffpacht schuldich is te waeren, ende die voerschreven henne tegenwoordige goeden ǁ altijt goet zeker genoech ende waeldogende te maken als voor den erfflijcken lijffpacht van drie mudden roggen daer jaer ǁ lijcks vuijt te vergelden soe voerschreven staet ende allen commer ende calangien daer inne ende op comende altemael aff ǁ te doen der selver oirconden hebben hijer over geweest schepenen in Tijlborch ende Ghoerlle