Tilburg

Adriaen soon wilner Henrick Peeter Goijart Celen Een stuck erfs van eenen halven loopensaet oft daeromtrent ǁ nochtans soe groot ende zoe cleijn als tselve gelegen is binnen der prochie van Tilborch ter plaetschen geheeten inde ǁ Laerse acker aldaer tusschen erfenisse Steven Claes Steven Huijben z. d een zijde, ende tusschen erffenisse Adriaens ǁ Marceliss. van Eethen d ander sijde streckende vanden gemeijnden straeten totter erffenisse Adriaens Jan Claes ǁ Veldekens zoe hij zeijde heeft hij wettelijcken ende erffelijcken vercoft overgegeven ende opghedraeghen Adriaenen ǁ zoon wilner Jan Claes Veldekens voors., met affgaen ende verthijen als dat gewoonlijck ende recht is, Ende heeft ǁ gelooft Adriaen voorn.  op zijns persoon ende op allen zijnen goedens hebbende ende vercrijgende t voors. stuck erffs te ǁ waeren loss ende vrij ghelijck men loss ende vrij erve sculdich is te waeren, ende dit vercoopen overgheven ǁ opdraegen affgaen ende verthijen voors. altijt vast ende stentich te houden ende in zijnen naeme te doen ǁ houden zonder ennich wederseggen, ende allen commer ende calaengie daer op comende altemaell ǁ aff te doen den selven Oirconden hebben hier over geweest scepenen in Tilborch ende Goirle Cornelis ǁ Claess. van Ghierlle ende Jan Cornelis Cornelis Danielss. die de seghel heurs gemeijns scependoms ǁ dese brieve open aen hebben doen hangen Int jaer ons heeren dusent vijffhondert negenentzestich, opten ǁ vijfthiensten dach der maent van aprille nae paesschen