's-Hertogenbosch

Nos Gerardus de Aa et Iohannes Dicbier, scabini in Buscoducis, notum facimus universis quod nos quasdam litteras scabinorum de Buscoducis non rasas, non abolitas, non cancellatas nec in aliqua sui parte viciatas veris-ǁ que et integris sigillis scabinorum in eisdem litteris contentis rite sigillatas vidimus et de verbo ad verbum legi audivimus tenorem qui sequitur continentem

(1) Henricus dictus Coert, filius quondam Tylkini dicti van den ǁ Boschehouen, promisit ut debitor principalis super se et bona sua omnia quod ipse dabit et solvet Willelmo dicto de Langhelaer annuam et hereditariam paccionem novem modiorum et duorum sextariorum siliginis ǁ mensure de Buscoducis et ad Buscumducis predictum deliberandam ex bonis sitis in Vdenhout in parrochia de Oesterwych inter hereditatem quondam Gerardi dicti Coptiten ex uno latere et inter hereditatem ǁ Hessellonis dicti Hessel Snab ex alio latere et de attinentiis dictorum bonorum singulis et universis ubicumque locorum, tam in humido, quam in sicco, in duro et in molli consistentibus sive sitis, que bona ǁ predicta cum suis attinentiis predictis quondam fuerant Walteri dicti van den Wael, patris quondam Willelmi supradicti, et que bona antedicta cum dictis suis attinentiis prefatus Willelmus antedicto Henrico coram ǁ scabinis infrascriptis pro dicta paccione dederat ad pactum, sub ea tamen condicione, si dictus Henricus predicta bona cum suis attinentiis antedictis pro prescripta paccione novem modiorum et duorum sextari-ǁ orum siliginis dicte mensure imposterum obtinere noluerit sed resignare, quod extunc ipse Henricus predicta bona cum dictis suis attinentiis cum plena paccione novem modiorum et duorum sextariorum siliginis ǁ dicte mensure atque cum tribus modiis siliginis hereditarie paccionis dicte mensure prefato Willelmo resignabit atque resignare valebit.

Testes interfuerunt scabini in Buscoducis Godescalcus de Bladel ǁ et Iacobus Tiit.

Datum in die Marchi ewangeliste, anno Domini millesimo CCCmo quinquagesimo secundo.

(2) Willelmus, filius quondam Willelmi dicti de Langhelaer, annuam et hereditariam paccionem novem modiorum et duorum ǁ sextariorum siliginis mensure de Buscoducis, quam Henricus dictus Coert, filius quondam Tilkini dicti van den Boschehouen, promisit ut debitor principalis super se et bona sua omnia se daturum et soluturum dicto quondam Willelmo ǁ et ad Buscumducis tradendam et deliberandam de bonis sitis in Vdenhout in parrochia de Oesterwyc inter hereditatem quondam Gerardi Coptiten ex uno latere et inter hereditatem Hessellonis dicti Hessel Snab ex alio latere et [de] ǁ attinentiis dictorum bonorum singulis et universis ubicumque locorum tam in humido quam in sicco, in duro et in molli consistentibus sive sitis, prout in litteris scabinorum de Buscoducis super hoc confectis plenius continetur, legitime ǁ et hereditarie vendidit Woltero de Erpe, ab eodem emptore iure hereditario possidendam et habendam, supportavit simul cum dictis litteris et in hiis que continetur in eisdem ǁ quovismodo competente et effestucando resignavit modo in talibus consueto, promittens dictus venditor ut debitor principalis super se et bona sua omnia ad presens habita ac imposterum ab eodem habenda et acquirenda ǁ quod ipse dicto emptori de dicta hereditaria paccione ei vendita atque ex dictis bonis cum suis attinentiis annuatim solvenda, ut dictum est, debitam et iustam prestabit warandiam et quod omnem aliam obligacionem in dicta pac-ǁ cione existentem prefato emptori deponet omnino.

Promisit insuper dictus venditor ut debitor principalis sub obligacione premissa quod ipse dicta bona cum suis attinentiis predictis pro solucione dicte hereditarie pac-ǁ cionis prefato emptori annuatim exinde solvende, ut dictum est, sufficientia beneque valencia semper efficiet et satis secura.

Testes interfuerunt scabini in Buscoducis Symon de Myrabello et Ghiselbertus ǁ Lysscop iunior.

Datum in octavis beatorum Petri et Pauli apostolorum, anno Domini millesimo CCC^mo septuagesimo septimo.

Quibus litteris a nobis scabinis primodictis visis, ut premittitur, et auditis, consti-ǁ tutus igitur coram nobis Iohannes Heyme et palam recognovit se dictas litteras sanas et integras ad opus sui et ad opus Petri, Iacobi, Iohannis et Heylwigis, liberorum quondam Iacobi dicti Steenwech, ǁ sub sua certa custodia tenere et habere, promittens dictus Iohannes Heyme ut debitor principalis super se et bona sua omnia habita ab eo et habenda quod ipse dictas litteras sanas et integras dictis liberis ǁ Iacobi Steenwech predictis tradet, porriget et concedet tociens quociens eis indigebunt ad eorum ius cum dictis litteris petendum et exigendum ac eorum opus perficiendum, tali condicione appensa quod, cum dicti ǁ liberi iamdicti Iacobi Steenwech cum dictis litteris opus eorum perfecerint iusque petierint ac prosecuti fuerint, quod extunc ipsi dictas litteras reddent et resignabunt prefato Iohanni sub eius dicta ǁ custodia, iuxta omnem modum preexpressum deinceps permansuras.

In cuius rei testimonium nos Gerardus de Aa et Iohannes Dicbier, scabini primodicti, sigilla nostra presentibus duximus appendenda.

Datum ǁ autem visionis nostre pretactarum litterarum anno Domini millesimo CCCC^mo undecimo, in festo beati Dyonisii episcopi et martiris.