Tilburg

Cornelis zoen wilnere Hermans van Boerden heeft geloeft als een principael sculder hem te geven ǁ te gelden ende te betalen Peteren Adriaen Sterts zoen twintich stuvers jaerlijcken ende erffelijcken renthen ǁ erffelic ende alle jair te gelden ende te betalen op ons lieve vrouwen dach lichtmisse uut ende ǁ van een huys hoff gront ende erffenis dair aen liggende ende dair toe behoerende. In alder groten als dat ǁ alder ghelegen is inder prochien van Tilborch aen den Ruchdijck tussen erffenis Jan zoen wilner Hermans ǁ van Boerden d’een sijde ende tussen erffenis Goessen van den Acker d’ander sijde streckende van erffenis der ǁ erffghenamen Jan Peeter Hillen totten Rughdijck toe alder als hij seide Ende heeft geloeft Cornelis ǁ voers. als een principael sculder op hem ende op allen sijn gueden hebbende ende vercrijgende deess ǁ voers. tweyntich stuivers jairlijcker ende erffelijcker renthen te waren als men erffrenthen sculdich ǁ is te waren ende die voirs. onderpanden altijt goet zeeker genoch ende waeldoegende te maken ǁ Ende allen commer ende calaingie dair op comende altemael aff te doen den selven oirconden ǁ hebben hier over gheweest scepenen in Tilborch ende in Goirl Jan van den Wouwer Janssen ende ǁ Jan die Vet die den zegel hoirs ghemeyns scependoms dees brieve open aen hebben doen ǁ hangen int jair ons heeren duysent vijffhondert ende tweentweyntich den achtentweyntischsten ǁ dach januarii.

Dorsale aantekening:

Peeter Adriaen Sterts

Aert Mathijs Aertssoon als man ende momboir Katharina sijne huysvrouwe dochtere ǁ wijlen Joist Elias voor d’eene helft ende Elias sone wijlen Jan Vrancken uuytten name van Segeren ǁ sijnen broeder voor d’ander helfft hebben bekent d’erffelijckheijt van dese rente van twintich ǁ stuyvers sjaerlijx inne het witte van desen begrepen tsamen metten achterstelle van ǁ dien door den momboir van de kijnderen wijlen Daniel [***] Laureijssoon affgelost ǁ ende gequeten te sijn belovende super se et ipsorum bona sua want commer ofte calaingie ǁ den gelders derselven hier aff soude mogen te over comen altemael ǁ aff te doen datum XIe februarii 1628 ǁ scabini Graeff et Bardwijck

Elias Arienss. ǁ te weeten? Jenneken ǁ ende Lijntken Eliass. ǁ dochteren