's-Hertogenbosch

Adriaen sone Peter Jan Stevens heeft wittelijck ende erffelijck vercoft Diercken Lenart Koekarts wullenlakenvercooper Den jaerlicken ende ǁ ende erffelicken chijns van twelff carolus gulden ende tien stuvers tot twintich stuvers in goeden gelde den gulden gerekent te betalen alle jaer ǁ erffelick int hoochtijt van onser vrouwen lichtmis, ende voir den iersten termijn van betalinge int hoochtijt van onser vrouwen lichtmis toecomende ǁ Ende in Shertogenbossche vrij van alle beden ons heeren des hertochs exactien subventien, tiende twintichste honderste, mindere ende meerdere ǁ penningen commeren scattingen ende lasten ordinarisse extraordinarisse gewoenlijck ongewoenlijck ingestelt ende ingestelt te worden, egeen ǁ lasten uutgesceijden te leveren ende te vergelden, van ende uut huijs erve hoff schuer ende stoppe mit den erffenis daeraen liggende seven ǁ lopensaeten oft dairontrent begrijpende gelegen inde prochie van Tilborch ter plaetse genoemt de Hoirevoirt, tussen erve Jan Arien Peters ǁ aen deen zijde, ende tussen erve Jan Goijart Paijssers van Outhuesden aen dander sijde, streckende voir van de gemeijn straet tot erve des voirs. ǁ Adriaen hiernae genoempt, Alnoch van ende uut een stuck ackerlants twee lopensaeten oft dairontrent groot zijnde gelegen inde prochie ǁ ende plaetse voirs. tussen erve Jan Arien Peters alias Lap aen deen sijde, ende tussen erve des voirs. Jans Goijarts aen dander zijde, streckende ǁ van den voirs. ierste onderpant tot ander erve des voirs. Adriaen vercooper hiernae bes., Alnoch van ende uut eenen acker tuelants vier lopensaeten oft ǁ dairontrent begrijpende gelegen inde prochie ende plaetse voirs. tussen erve des voirs. Jans Ariens aen deen sijde ende tussen erve Daniel Ariens aen ǁ dander sijde, streckende van erve Bastiaen Goijarts tot erve des voirs. vercooper hier boven genoempt, Ende alnoch van ende uut een stuck acker ǁ lants groot ontrent twee lopensaeten gelegen in de prochie ende plaetse voirs. tussen erve Aert Geritsz. aen deen zijde, ende tussen erve ǁ Peter Petersz. aen dander zijde, ende deen eijnde, streckende mit dander eijnde op erve Jan Geritsz., gelijck hij seede, van den selven ǁ cooper mitten erffrecht te hebben ende te besitten, ende heeft de voirn. vercooper den selven chijns den voirn. cooper opgedragen ǁ ende heeft helmelinge daerop vertegen in manieren indien gewoenlijck zijnde, Gelovende die voirs. vercooper als sculdenaer ǁ principael op verbant van zijnen persoon ende allen zijne goeden present ende toecomende dat hij den voirs. cooper van den voirs. ǁ chijns sculdige ende gerechte sal doen warantscapp, ende dat hij allen anderen commer calaengie ende aentael inde voirs. onderpanden wesende ǁ oft comende den selve cooper aff sal doen, geheelijck, uutgenomen eenen jaerlicken chijns van sestien stuvers aen Jan Cornelisz. tot ǁ Tilborch jaerlicx ierst van rechtswegen daer uut te vergelden soo hij verclaerde, ende dat hij de voirs. onderpanden voir de betalinge des ǁ voirs. chijns den voirn. cooper jaerlicx daer uut soo voirs. staet te vergelden altijt goet genoch ende welduegende sal maken ende houden ǁ Getuijgen waeren hierover scepenen in Shertogenbossche Henrick Fransz. van Gestel, ende Michiel de Berchgreve, gegeven ǁ den derden dach der maent februarij, int jaer ons Heeren dusent sesshondert ende eenentwintich.

Dorsale aantekening:

XII ½ carolus gulden siaers tot ǁ Tijlbourch aen Adriaen ǁ Jan Peter Stevens ende ǁ verschijnt op Lichtmis ǁ anno 1621