Tilburg

Cornelis soen wilner Jans van der Amervort als man ende mombaer Jenneken ǁ syns wyfs, dochter wilner Cornelis Wouter sBonten allen sijn recht actie ende toeseg ǁ ghen dat hy sede te hebben in eenen halven buender beempts ghelegen in der parochye van ǁ Ghilze in die Bunten tussen die lantsceydinghe aldaer deen syde ende tussen erffenis Cor ǁ nelis Herman Heysten s. met meer anderen dander syde drie cantich liggende als hy ǁ sede Heeft hy wittelick ende erffelick vercoft overghegeven ende opghedraghen ǁ Lambrecht Willem Lambrechts. met affgaen ende verthyen als dat behoerlick is ende ǁ recht Ende heeft gheloeft Cornelis voers. als een principael sculder op hem ende op ǁ allen syn gueden hebbende ende vercregende dit voers. recht ende actie te waren als men erve ǁ sculdich is te waren ende dit overgheven opdraghen affgaen ende verthyen altyt vast ǁ ende stentich te houden ende in synen naem te doen houden sonder ennich wedersegghen ǁ daer Lambrecht coeper voers. uut gelden ende betalen sall alsulken erffchys als daer ǁ van rechtsweghen behoert ende sculdich is uut te gaen ende allen anderen commer ende cala[n] ǁ gie daer inne wesende altemael aff te doen den selven Orconden hebben hyer over ǁ gheweest sceepenen in Tilborch ende in Goerle Ghysbert Jans. Vermee ende Jan Beris ǁ Eelkens. die den zeegel hairs ghemeyns scependoms deessen brieff open aen hebben doen ǁ hangen int jaer ons Heeren dusent vyffhondert ende drientwentich den dertichsten dach decembris

Dorsale aantekening:

Cornelis [***] ǁ [***] ǁ Lambrecht Willem Lambrechtsz.