Tilburg

Condt sy eenen yegelycken want Jan zoen wilner Gheert Eysschen als principael schulder geloeft ende gevest hadde Henricken ǁ Claessen van Spaendonck eenen jaerlycken ende erffelycken chyns van negen ende vertich stuvers ende eenen halven stuver alle ǁ jaer op onser liever vrouwen dach Lichtmisse, uuyt ende van huys hoff ende erffenis daer aenliggende ende daer toe behoorende ǁ vier loepensaet oft daer omtrent begrypende gelegen inde prochien van Tylborch in een stede geheyten aen die Hoeven tusschen ǁ erffenis Goyaerts Jan Michielssen aen deen zyde ende tusschen erffenis Jans Peter Zwysen soen aen dander zyde hoedende met ǁ beyden eynden aen die gemeyn straten, welcken chyns voerschreven ter lossinge staet met zessendedartich karolus gulden allet ǁ nae inhoude van scepenen brieven van Tylborch daer aff synde, daer omme soe is gestaen voer scepenen ondergescreven Adriaen ǁ zoen wilner Gherits van Boerden des voerscheven Jans Gherit Eysschen zwager ende heeft geloeft als principael schulder opte ǁ verbyntenisse vande huys hoff grondt ende erffenis daer aenliggende huyden des daechs by erffmangelinge vercregen tegen ǁ Jannen zoen wilner Martens Jan Ghenen gelegen aen die Hoeven ende voerts opte verbyntenisse van synen persoen ende allen syn ǁ goeden haeffelycken ende erffelycken beruerlycken ende omberuerlycken nu hebbende ende noch naemaels te vercrygene Jannen ǁ voirschreven synen zweer dat hy den voirschrevenen chyns vande negenendeveertich ende eenen halven stuvers alsoe jaerlicks aen ǁ Henricken voerschreven ende zynen naecomelingen gelden ende betalen sal ende oeck metter summen voerschreven afflosschen ende ǁ quyten sal naevolgende der brieven daer aff synder dattte Jannen zoen wilner Gherit Eysschen synen zweer op hem noch op syn goe ǁ den daer vete verbonden staende noch oick zynen naecomelingen daer aff nimmer meer schade, hynder, commer, noch last aff comen en ǁ sal sonder [ar]gelist Oirconden hebben hyer ons geweest scepenen in Tylborch ende Ghoirlle Anthonius Dionys Meynairts ende ǁ [Adr]iaen Jan Peter Ghyben die den zegell hoers gemeyns scependoms desen brieff open aen hebben doen hangen int jaer ons heeren ǁ duysent vyff hondert ende zessende vyftich den negenthiensten dach van november

Pro Zwisio ǁ J Berijs ǁ 1569