Tilburg

Adriaen sone wylen Geraerdt Peterss. als wittich man ende momber van Geertruyt syne huysvrouwe dochtere wylen Adri ǁ aens sone wylen Peter Stevenss. eenen jaerlycken ende erffelycken chyns van vyff ende tnegentich stuvers te betalen eenijegelycken ǁ jaer erffelyck op onsen liever vrouwen dach Lichtmisse, van ende uuyt huys, hoff, schuer ende schop metten gronde ende erffenisse daer aen ǁ liggende ende daertoe behoirende in alle grooten alst gelegen is binnen de prochie van Goerle ter plaetsen geheyten int dorp ǁ aen dWilteynde aldaer tussen de erffenisse den erffgenamen heeren Jannen Soffaerts deen syde ende tussen der gebuerhoevel ǁ dander syde ende deen eynde streckende metten anderen eynde aen erffenisse der kynder Michiels Wouter Soffaerts, welcken ǁ voers. chyns Willem natuerlyck soone wilner heeren Jans Soffaerts priestere geloeft hadde als een principael schulder ǁ te gelden, te geven, ende wel te betalen den voern. Adriaenen soone wylen Peter Stevenss. gelyck inne scepene brieven ǁ van Tilborch ende Goerle daerop gemaect breder begrepen staet wesende van der date den negen ende twintichsten dach janu ǁ arij anno duysent vyffhondert twee ende tsestich, Ende welcken voers. chyns den voern. Adriaenen tot behoeff synder ǁ voers. huysvrouwe midts seeckere erffscheydinge ende deylinge tussen hem ende syne mede erffgenamen gemaect te deel ǁ ende te loote gevallen was soe hy verclaerde heeft hy wittelyck ende erffelyck gecedeert, opgedragen ende overgegeven ǁ meesteren Peteren baptista Beris secretaris tot Gestel by Oisterwyck te samen mette voers. brieven ende metten ǁ alingen recht hem ende syne huysvrouwe in de voers. brieven ende den inhoudt van dien eenichsins competerende, ende met ǁ drye jaeren afterstellen int hoochtyt van Lichtmisse anno sestienhondert ende twee inclusive daer van verschenen tachter ǁ ende onbetaelt staende soe hy seeghde ende heeft helmelinge daerop vertegen inne manieren indien gewoenlyck synde ǁ Gelovende die voers. Adriaen Geraertss. opdragere als schuldenaer principael op verbant van synen persoen ende allen ǁ synen goederen present ende toecomende dat hy den voers. meesteren Peteren van den voers. chyns schuldige ende gerechte sall ǁ doen warantschappe ende dat hij allen commer calangie ende aentael in den voers. chyns wesende oft comende den selven ǁ meesteren Peteren aff sal doen geheelycken geheelycken ende dat hy de voers. onderpanden voer de betalinge des voers. chyns ǁ den voern. meesteren Peteren jaerlycx daer uut soe voers. staet te vergelden altyt goet genoech ende welduegende sal maecken ǁ ende houden, Getuygen waeren hier over schepenen inne Shertoigenbossche Gregoris van der Meer ende David ǁ Everswyn, Gegeven den iersten dach der maent van julio int jaer ons Heeren duysent sesshondert ende twee

L? van Dankersloot

Dorsale aantekening:

Brief van vier gulden ǁ vijfthien stuijvers op Jan ǁ Jansen Koveleer tot ǁ Gool

Ick onderges. consentere ǁ in de cassatie van de ǁ constitutiebrieff ǁ naerder int wit van ǁ desen te sien Actum ǁ 6 october 1654 ǁ A. Sonmans

[***] constitutiebrieff  ǁ [***] transport [***] ǁ [***] Tilborgh gecasseert den 14: decembris  ǁ [***] H. van Gils [***]Akte van verkoop, gepasseerd voor schepenen van ’s-Hertogenbosch, door Adriaen Geraerdt Peters, als man van Geertruijt Adriaen Peter Stevens, aan mr. Peter Baptista Beris, secretaris in Moergestel, van een jaarlijkse erfcijns van 95 stuivers uit een huis, erf en landerijen, gelegen int dorp aan dWilteijnden te Goirle, met een achterstallige betaling van drie jaar.