Tilburg

Cont sij eenen yegelyckn want Jan soen wilnere Jans van Son ende met hem Elizabeth ǁ wedue wilnere Jans van Son sijn moeder met haren mombaer als waerborge voor Jannen haren ǁ soen voers. gheloeft hadden als principael sculderen hem te gelden ende te betalen Jacoppen ǁ Peter Aelwijns soen seven mudden roggen ende thien lopen roggen jaerlijcs ende erffelijcs ǁ pachts bede vrij ende scat vrij ende allen subvenientien ende commer alle jaer te gelden ende te betalen ǁ op onse liever vrouwendach lichtmisse vuyt ende van eenen huys hoff ende schuer met ǁ sijnen gronde ende toebehoerten in alder groetten gelijck dat aldaer gelegen is inder prochien ǁ van Tilborch ter plaetsen geheyten Corvel in die Maen als dat in schepenen brieven van ǁ Tilborch daer op gemaect volcomelijcken begrepen is. Soe is hier over voer ons scepenen ǁ onder gescreven gestaen Cornelia Jacobs dochter van Erp die welck hij verweckt [ende] vercre ǁ gen had bij Dingen sijn wittige huysvrou dochter wilner Jacob Peter Aelwijns voers. in welcke ǁ seven mudden roggen ende thien lopen roggen erffpachs voers. Cornelis voers. ghericht was tot ǁ anderhalff mudden roggen erffpachs ende dat voer haer kijnts gedeelt welcke haer Cornelijsen voers. ǁ aencomen  ende verstorven sijn van wilnere Dingen dochter wilner Jacob Aelwijns haer moeder ǁ Ende welcke anderhalff mudden roggen erffpachs voers. Henrick Jan Laurens soen Andries genoempt ǁ die wagemaker geloeft heeft te gelden ende te betalen altijt op onser liever vrouwen ǁ dach lichtmisse ende als dan die te mogen betalen met drie Rijnsgulden twentich stuver ǁ t stuck Oirconden hebben hier over geweest scepenen in Tilborch ende Goerle Laureys Hen ǁ rick Swijsen soen ende Jan Le[mmens] die den segel hoers gemeyns scependoms desen brieve ǁ open aen hebben doen hangen int jaer ons heeren dusent vijffhondert ende achtentwin ǁ tich den achsten dach in januarii

Dorsale aantekening:

Jacob Aelwijns soenen