Tilburg

Joncheer Adriaen van Malssen heere tot Tilborgh ende Goerle Alle alsulcken huijs hoff grondt metter toebehoerten ǁ ende erffenis daer aen liggende ende daer toebehorende hem toebehorende In alder groten als dat aldaer gelegen is inder ǁ prochien van Tilborch ter plaetsschen geheijten den Berckdijck tusschen erffenis Korstiaen Willem Stelaerts zoen aen die ǁ een sijde, ende tusschen erffenis Sijmon Peters Zwagemakers aen die ander sijde ende oeck aen deen eijnde hodende metten ǁ anderen eijnde aen die gemeijn straet als hij seede, heeft hij wittelijcken ende erffelijcken overgegeven ende opgedragen ǁ Sijmonen zoen wilnere Peter Zwagemakers tesamen met allen brieven ende voerwaerden daer aff mentie m[aeckende] ǁ ende gewach doende diemen daer aff ennichsins bendden sal mogen ende oeck met allen den recht hem ennichsins ǁ is daer inne toebehorende met affgaen ende vertijen in manieren als dat gewoenlijck ende recht is Ende heeft ǁ geloeft joncheer Adriaen voers. als schuldenaer principael op hem ende op allen sijne gueden nu hebbende ǁ ende noch namaels vercrijgende dit overgeven opdragen affgaen ende vertijen voers. altijt vast ende sten ǁ dich te houden ende in sijnen name te doen houden sonder enich wederseggen ende allen commer ende calam ǁ gien van sijnre wegen daer op comende altemael aff te doen den selven, Orconden hebben hier over geweest ǁ scepen in Tilborch ende in Goerle Laureijs Henrick Zwijsen ende Jan Janss. van Raeck die den zegel huers gemeijns ǁ scependoms desen brieve open aen hebben doen hangen, int jaer ons heeren duijsent vijfhondert ende sessende ǁ veertich den sevensten dach meije

Dorsale aantekening:

Sijmon Peter Zwagemakers