Tilburg

Wij Willem Aert Thielmansz. ende Herman Jans. de With scepenen inne Beeck tuyghen ǁ onder onsen gemeynen zegele, dat voir ons is comen Anthonis sone wijlen Adriaen Aelwijns ǁ als gemechticht van Anthonisen sijne uuyt crachte van sekere oepene brieffven en van procuratien ǁ gepasseert voir scepenen der heerlijcheyt van Tilbourch ende Goirle wesende in dato ǁ ultima septembris sesthienhondert vijff ende alsoo in den naeme vanden selven Anthonisen ǁ sijns comparants sone, Een stuck [bem]pts tot denselven alse hij seyde behoirend gehijten ǁ Ruessen bempt gelegen meestendeel binnen der eeninge van Beeck achter de kerke tot ǁ Goirle aldaer aen erffnisse Wierick Gielis Wiericxs. van Gilze oistwaert ende ǁ erffenisse Anthonis Jacobs van Dun suytwaert ende erffenisse Jenneken weduwe Stoffel ǁ Laureyssen westwaert, Streckende noortwaert neffens erffenisse Johans de Roy ǁ schout tot Tilbourch, Inne alder grootten als dit gelegen ende de voirs. Anthonis ǁ lestgenoempt bij rechter naerderschappe vercregen heeft, alse hij seyde, heeft hij wel ǁ ende wettelelyck inne eenre erffmangelinge opgedraegen ende overgegeven Wierocken ǁ Gielis Wierocx voirgen. metten recht van wegen over erffenisse Peter Corst Adriaen Mijssen ǁ tsamen met allen den lettren oft recht igene hij daer inne soude moegen hebben met ǁ affgaen ende verthyen innen manieren als dat gewoonlyck is Ende heeft geloift ǁ uuyt crachte der voirs. procuratu[ren] dat stuck bempts te waeren als men is staen ǁ met recht schuldich is te waeren [ende] allen commer ende calaingie daer inne ǁ wesende aff te doen geheelyck ende dit opdragen ende overgeven altijt vast ende ǁ stentich te houden behoudelyck dat die coper sall lijden ende doogen weghen ǁ waterlaten ende alle gebuerlycke rechten daer dese erffe eenichssins inne mach ǁ gerecht wesen Gegeven in t jaer [ons] heeren duysent sesse hondert vijff ǁ drie daegen in octoberi