Tilburg

Daniel Adriaens van Beurden, als ǁ man ende momboir van Maria syne ǁ huysvrouwe dochtere wylen Peter Jan ǁ Hermans van Heyst, heeft wettelyck ende erffelyck ǁ overgegeven ende opgedragen midtsdesen, aen ende ten ǁ behoeve van Seigneur Jacobus vander Burcht, een ǁ parcheel erven bestaende in weye, heye ende uuijt ǁ gesteecke putten, ses lopensaten, ofte daer ontrent ǁ begrypende, nochtans soo groot ende cleyn ǁ als t'selve gelegen is binnen de prochie van Tilborch ǁ ter plaetse genaemt in d'oude Nieuwvelden, ǁ aldaer tusschen erffenisse Martinus vander ǁ Burcht president schepen, ende Jacob Peters van ǁ Heyst noort ende suytwaerts, de Gemeynte ǁ oost, ende de kinderen van Robbert Jan Willem ǁ Meeus westwaerts, t'samen mette gerechticheyt ǁ van te wegen als van outs, los ende vry, Ende ǁ heeft inder voors. qualiteyt daer op ten behoeve ǁ vande voorn. cooper volcomentlyck vertegen ǁ ende gerenuntieert in manieren daer toe behoorlyck ǁ ende gewoonlyck synde, Gelovende super se et ǁ omnia sua bona habita et habenda, warandiam ǁ more solito, ende dit vercoopen, opdragen, overgeven ende ǁ affgaen, altoos van waerden te houden ende te doen ǁ houden sonder eenich weder seggen, Ende allen ǁ commer calangie ofte aentael hierinne wesende ǁ ofte comende den cooper aff te doen t'eenemael ǁ sonder argelist, Oirconde syn hier over geweest ǁ Martinus vander Burcht, Johannes Huttenis ǁ Paulus Scholt, Johan vanden Brouck ende Richard ǁ Versteech schepenen van Tilborch ende Goirle, die den ǁ segel hens gemeyn schependoms onder aen desen ǁ brieff hebben doen hangen int jaer ons heeren een ǁ duijsent ses hondert negenentsestich eenen ǁ dertich dagen in january

J van Gilse ǁ 1669

Dorsale aantekening:

Erffbrieff ǁ voor ǁ Seigneur Jacobus vande ǁ Burcht ǁ 1669 ǁ Januarij 30