Gilze

Wij Jan Jan Anssems sone  ende Adriaen Jan Adriaen Buijs sone schepenen in Ghilse oirconden dat voor ons quamen Daniel Adriaen ǁ Daniels sone ende Anthonis Cornelis Henricx sone ende lijden dat sij vercoft hebben om een somme van gelde die hen vol ende ǁ al betaelt is Cornelisen des voors. Anthonis Cornelis Henricx sone Een stuck beempden groot omtrent seven loopensaet ǁ gelegen onder Ghilse inde Lange Hoeven oostwaert aen Anthonis Peeter Michielss erve suijtwaert aen Joachim ǁ Janss erve westwaert aende Schouwleije genaempt de Maeije aldaer ende noortwaert aen Willem Janss opt Sant ǁ kijnd[ere]n erve noch een stuck beempden groot omtrent vier loopensaet gelegen daer omtrent oostwaert aen Jan Huij ǁ brecht Corneliss erve, suijtwaert aen Jan Joosten op H[***]ckx erve westwaert aen Cornelis Geerit Daniels erve ǁ [n]oortwaert aen Adriaen Daniels erve, Ende noch een st[uck bee]mden groot omtrent een loopensaet gelegen oock [***] ǁ omtrent oostwaert aen des voo[rs.] Anthonis Peeter Mic[hielss er]ve suijt[waert] aen der taeffels tHeijlichs Geest tot ǁ Tilborch erve westwaert aen Pauwels Joos Pauwels erve ende noortwaert aende lantscheijdince alsoo groot ende ǁ [cleijn] als de erfenissen voors. gelegen sijn te vrijen en[de] te waeren deselve erfenissen met eenen stuijver ende twee ǁ oirt tsjaers erfchijns te heerenchijns daer jaerlijckx uuijtgaende sonder ennigen anderen commer in welcke der ǁ eerste [e]rfenissen voors. de voorgen. Cornelis Anthonis Cornelis Henrickx sone gevest is ende toegedaen met vonnis ǁ met [re]cht soo datse hem seker sijn ende vast met voorwaerde dat hij hieraf doen sal alle gebuerlijck recht in ǁ oirconden desen brieve met onse segelen besegelt int jaer ons heeren, duijsent seshondert ende sesthien sevenentwintich ǁ dage in december