Tilburg

Gherit zoen wilner Huijb [***] heeft geloeft als een principael schulder hun te geven te gelden ende ǁ wel te betalen Diercken zoen [wilner] Aerts vanden Wiel ter tochten ende Marij sijnder huijvrouwe dochter ǁ Jan Embrechtss van Buerden [***] te betalen een jaerlijcken ende erfelicken chijns van  veertich stuijvers ǁ op lichtmisse vuijt ende van [een] stuck landts vijf lopensaet oft daer ontrent begrijpende inder prochie ǁ van Tilborch ter plaetsen geheijten die Velthove tuschen erffenis Hanricken Crillaerts metten kijnderen deen ǁ sijde ende tuschen erffenis wilner Willems Vermee dander sijde hoedende metten enen eijnde aen erffeniss ǁ Willems Vermee voors. ende metten anderen eijnde aen enen gemeijnen waterlaet als hij zeede ende ǁ Gherit voers. heeft dese [cijns] voers. geloeft te waren alsomen die met recht schuldich is te waren ende ǁ dat voers. stuck landts altijt goet zeker genoch ende waeldogende te maken voer de betalinge van den erffchijns ǁ voers. ende allen commer ende calangien daer inne wesende altemael aff te doen den selven sonder argelist ǁ  oirconden hebben hierover geweest scepenen in Tilborch ende in Goirle Lauwreijs Hanrick Zwijsen ende ǁ Joest Beeris Eelkenss die den gemeijnen scependoms desen brieve open aen hebben doen ǁ hangen int jaer ons heeren dusent vijff hondert zevenen dertich den vijfften februarij.