Gilze

Wij Huijbrecht Goris Beckers sone, ende Adriaen Janssen Buijs schepenen in Ghilse, Oirconden dat voor ons ǁ quam Harman Adriaen Rademaeckers sone als gemechtich ende inden naeme van Lenaert Adriaen Rade ǁ maeckers sone sijnen broeder bijden welcken de comparant voorgen. wittelyck geconstitueert ende gemechtich ǁ gemaect is om te doen tgeene naebes. volcht, naer uuijtwijsen vande procuratie daeraf voor schepenen ǁ in Ghilse gepasseert opten vyffthiensten februarij, anno XVIC ende sesthien die wy schepenen voorgen. gesien ǁ ende hooren lesen hebben G[elov]ende comparant voorge. inden naeme ende qualiteijt als voorn. ende ǁ uuijt cracht vande comparants voorgenoemt om ende midts een somme van gelde vol ende al betaelt sijnde ǁ vercoft getranspoorteert opgedragen ende ov[er]g[even] te hebben, transpoorteert draecht op ende geeft over ǁ midtsdesen, Cornelis Anthonis Cornelis sone, Een stuck beempden groot omtrent twee loopensaet ǁ offte soo groot ende cleijn ombegrepen der maten alst gelegen is int Ghilsche Broeck oostwaert ende lant ǁ scheijdinge aldaer suijtwaert aende [Laeke] hoeve westwaert aen Cornelis Horensvoorts erve ende noortwaert ǁ aen Adam Anthonis Jan Aerts erve te vrijen ende te waren tvercofte stuck beempden voorts commerloos ǁ Behoudelyck dat medepant ende bijpant blijven sal daert met recht schuldich is medepant ende bijpant ǁ af te sijn, In welck vercofte stuck beemden voors. Jan Jan Melis sone inden naeme ende tot behoeff ǁ vanden voorgen. Cornelis [An]thonis Cornelis sone gevest is ende toegedaen met vonnis ende met recht, soo ǁ dat hem seker is ende vast met voorwaerde dat hij hieraf doen sal alle gebuerlijck recht, In oircond[e] ǁ desen brieve met onse segelen besegelt int jaer ons heeren duijsent sesshondert ende seventhien ǁ sess dage in junio