Tilburg

Peter sone wylen Adriaen Peter Danielssoon, heeft gelooft als een principael schuldenaer ǁ te gelden, ende wel te betalen, Michielen sone wijlen Huijbert Michiel Soffaerts, Eene jaerlycke ǁ ende erffelijcke rente van elff carolus gulden, twintich stuyvers t'stuck, oft de weerde derselver in ǁ anderen goeden ganckbaren gelde, gelyck ten tyde der betalinge, gemeynlyck cours ende van ǁ hant tot hant goede betalinge wesen sal, voor elcken carolus gulden te rekenen te betalen alle jaer ǁ op lichtmisse, Ende voorden iersten termyn, ende dach van betalinge op onser lieve ǁ vrouwen dach lichtmisse ierst comende, Van ende uuyt een huys, hoff, metten gronde ǁ ende erffenisse daeraen liggende, ende daertoe behoirende, vyff lopensaet oft daeromtrent ǁ begrypende, nochtans alsoo groot, ende cleyn, als 'tselve gelegen is, binnen der prochie van ǁ Tilborch ter plaetschen geheyten aende Hoollynde, aldaer tuschen erffenisse Joost Adriaen ǁ Danielss deen syde, ende tuschen erffenisse Willem Willem Adriaen Willems dander ǁ syde, streckende van der gemeynte totter erffenisse Willems voors., ende Jan Jacob Jan ǁ Symons, Ende noch van ende uuyt een stuck ackerlants twee lopensaet oft daer omtrent ǁ begrypende, nochtans alsoo groot, ende cleyn als 'tselve gelegen is binnen der ǁ prochie, ende plaetse voors., aldaer tuschen erffenisse Joost Adriaen Danielss voors. ǁ deen syde, ende tuschen erffenisse Cornelis Wouter Janss de Snyer dander syde ǁ streckende vander erffenisse Peter Gysbert Dirxss totten gemeynen ackerwech ǁ Alsoo hy seyde, Ende heeft gelooft die voors.  Peter onder 't verbant van synen persoon ǁ ende goeden hebbende ende vercrygende, den voors. chyns te waren, alsmen los ende vry ǁ erffchynsen, schuldich is te waren, ende de voors. onder panden, altyts goet, seker ǁ genoch, ende waeldogende tehouden, ende te maecken, als voorde vergeldinge des ǁ voors. erffchyns, sjaerlyx daer uuyt te betalen, als voors. staet, ende allen commer ǁ oft calaingie daerinne wesende altemael aff te doen denselven, uuytgenomen ǁ VI gulden V stuyvers sjaerlyx aen Herman van Ierssel te vorens hieruuyt te betalen, ǁ sonder argelist, oirconden hebben hierover geweest, Peter Adriaenss van ǁ Gilse, ende Gerit Gerit Brock, schepenen binnen Tilborch, ende Goirle ǁ die den segel huns gemeyn schependoms, desen brieve op en aen hebben doen ǁ hangen, inden jare ons heeren duysent, seshondert, ende sessentwintich ǁ opden vyftiensten dach der maent vanden Aprille

H. de Roij Secretaris ǁ 1641