Tilburg

Condt sij eenen ijegelijcken, alsoe Lammts sone wylen Henrick Lammens ende Embrechten sone wylen Jan Meeussone bij doode ende syne hu[ys] ǁ vrou wijlen Eva dochtere wylen Henrick Lammens voirs. ten deele waren gevallen eenen jaerlycken ende erffelycken chyns van sess karolus gulden, ǁ  lyck als dat in schepenen deylbrieven van Tilborch ende Ghoorle tusschen den erffgenamen haer Eva voirs. ge [***] ǁ gepasseert synde volcomelycker staet begrepen ende alsoe byder erffdeylinghe ende versterve voirs., deen helft vander voirs. c[hyns] ǁ [o]p hem Lambrechten ende dander helft op hem Embrechten voirs. gedevolueert is, ende dat dyen aengaende maer eenen [helft?] tot ende ǁ brieff gevonden oft geexpedieert en is inder vueghen dat sy comparanten tot voldoeninghe oft [velhentplichtinghe?] werde voirs. ǁ rente nyet en souden connen geraken, sonder ierst ende voir all int particuliere te thoonen ende te exhibeeren de origineele ǁ constitutie brieff, Versochten daeromme die voirs. comparanten aen ons schepenen ondergescreven, dat men [***] ǁ uuten voirs. eenen brieff twee souden willen accordeeren, ten eynde elck int particulier tot voldoenighe van de [***] ǁ vande voirs. renten souden moghen geraken, ende is den inhoudt der selver brieve van woirde tot woirde hier  nab[escreven] ǁ Gerit sone wilnere Jan Veldekens als man ende momboir van Cornelia syn huysvrouwe, dochtere wilnere Daniel Jan [***] ǁ heeft gelooft als principael schulder te gelden, te geven, ende wel te betalen, Eva dochtere wylen Henrick Lammens [***] ǁ hoerder, ende nae hoirder doot, tot behoeff van haren gerechten erffgenamen inde uutwyssende testaments daer aff synde, [***] ǁ jaerlycken ende erffelycken chyns van sesse karolus gulden twintich stuvers oft die werde der selver, in [***] goeden ǁ ganckbaren gelden gelyck ten tyde der betalinghe gemeynlyck coers ende ganck sal hebben, ende van [***] [bethaalt] [***] ǁ betalinghe wesen sal, voir elcken karolus gulden voirs. te rekenen, alle jaer te vergelden op onser liever Vrouwen [dach] ǁ Lichtmisse ende voirden iersten termyn te Lichtmisse nu naestcomende, Ierst ende van een huys, hoff sch[uer] schaepskoey [***] ǁ gronde ende uuter erffenisse daer aen liggende ende daer toe behoirende veerthien loopensaet oft daer omtrent begrypende [***] ǁ binnen der prochie van Tilborch ter plaetsen geheyten aende s[to]ckhasselt aldaer tusschen erffenisse Henrick Mathijs [aen deen] ǁ syde, ende tusschen erffenisse Magdalena weduwe Huyberts van Raeck metten kynderen dander syde, streckende vande [st] [***] ǁ strate, totter erffenisse Henric voirs., soe hy sede, Ende heeft gelooft Gerit voirs. als principael schulder op hem s[elver] ǁ ende op allen syne goeden, hebbende ende vercryghende den voirs. chyns te waren gelyck men erffchynsen schuldich is te w[aren] ǁ ende den voirs. onderpant altyt goet seker genoech ende waeldoghende te macken als voir den erffchyns voirs. daer jaerly[cks] ǁ uut te vergelden, soe voirs. staet, ende allen commer ende calaingie daer inne wesende altemael aff te doen den sel[ver] ǁ Oirconden hebben hier over geweest schepenen in Tilborch ende Goirle, Cornelis Claess van Gierle ende Gerit ǁ Henrick Borchmanss, die den seghel huers gemeyn schependoms desen brieve open aen hebben doen hanghen, int jaer ǁ ons Heeren duysent vyffhondert ende tseventich, opten drieentwintichsten dach inden meert, Ende ware dies selve brieve ǁ met eenen seghel in groenen wasse uuthangende, tot versekerheyt vande welcken, Soe hebben wy Adriaen Peeter [Em]brecht ǁ ende Peeter Peeter Jan Martenssen den seghel ons gemeyn schependoms desen [brieve] van gelycken doen aenha[nghen] ǁ inden jare ons Heeren duysent vyffhondert twee ende tachtentich, opten [veerthiensten] dach [***]