's-Hertogenbosch

Jan soone wilner Jans Pauwelss. heeft geloeft onder verbant van eenen beempt ǁ hoylants thien loopensaet lants oft daeromtrent begrypende gelegen inde prochie van ǁ Tilborch ter plaetsen genoempt Jacops hoexken tussen erffenisse Marycken weduwe wilner ǁ Jans Hoecx ende haeren kynderen ter eenre syden, ende tussen erffenisse der taeffelen ǁ vanden heyligen geest tot Tilborch ter andere sijden streckende vande gemeyn leye totten ǁ erve Eymberts Jans Meuss, Alnoch onder verbant van een stuck wylants twee ǁ loopensaet lants oft daeromtrent begrypende gelegen inde voirs. prochie van ǁ Tilborch ter plaetsen genoempt den Scapsdijck, tussen den dyck genoempt  den Scaeps ǁ dyck ter eene syden, ende tussen erffenisse Jans Huberts Leemans ter ander syden ǁ streckende vanden erffenisse Adriaens soone des voirs. Jans Pauwels totte gemeynt ǁ van Tilborch ende voirts als sculdenaer principael onder verbant van synen persoen ǁ ende alle syne goedens hebbende ende vercrygende Joosten soone wilner Dionyssens ǁ Mutssarts seven carolus gulden twintich stuvers oft die werde daer voer in anderen gueden ǁ gelde voer elcken gulden te rekenen inden hoochtyde van onser liever vrouwen lichtmisse naestcomende ǁ item seven gelycke carolus gulden vanden hoochtyde van onser liever vrouwen lichtmisse ǁ naestcomende over een jaer, ende hondert ende seven gelycke carolus gulden vande hoochtyde ǁ van onser liever vrouwen lichtmisse naestcomende over twee jaer te voldoen ende te ǁ betalen, Ende in sHertogenbossche, vry van alle beden ende scettingen egeene uuytgesceyden ǁ te leveren, Getuygen waren hierover scepenen inne sHertogenbossche Henrick vanden ǁ Eynhouts ende Walraven van Erpe scepenen den tweeden dach der maent merte int ǁ jaer ons heeren duijsent vijffhondert vier ende tzeventich.

J Donck

Dorsale aantekening:

Gecasseert overmidts coop van enen ǁ beempde bij Arian Denijs Mijnarts ende ǁ Jan Pauwels opgedragen binnen Tilborch etcetera ǁ den XII november 1578