Tilburg

Cornelis zoon wilner Willems vanden Kerckhoff Een stuck lants van vyffvierde nat saets ende een ende ǁ een halff roeyen oft dair omtrent begrypende gelegen binnen der parochie van Goirle ter plaetze geheyten ǁ inden Wilt aldaer tusschen erffenisse Jans Jan Soffairts, daer den gemeynen Moilenwech tusschen ǁ beyders loopende deen zyde, ende tusschen erffenisse Joost Diercx zoon ende Jan Jacob Janss. ǁ met meer anderen dander zyde streckende vander erffenisse Cornelis Aertssone ǁ andere daer eenen gemeynen wech den Gruenen wech geheyten tusschen beyde is loopende, ende ǁ welcken wech tot desen erve is behoorende totter erffenisse Genoveva wedue Gielis Willemss. ǁ metten kinderen, zoe hy zeyde, heeft hy wittelick ende erffelick vercocht overgegeven ende opgedragen ǁ Jannen zoon wilner Jacop Janss. voors. met affgaen ende verthyen als dat gewoonlyck ende recht ǁ is Ende heeft gelooft Cornelis vercooper voorn. op hem ende op alle zynen goeden hebbende ende vercrygende dat voors. ǁ stuck lants te waren los ende vry gelyc men los ende vry erven schuldich is te waren, ende dit vercoopen overgeven ǁ opdragen affgaen ende verthyen voors. altyt vast ende stentich te houden, ende in zynen naem te doen houden ǁ zonder ennich wederseggen, ende allen commer ende calaengie daer op comende altemael aff te doen den zelven ǁ Oirconden hebben hier over geweest scepenen in Tilborch ende in Goirle Jan de Wit Janss. ende Niclaes Peeter Aert ǁ Perts die den zegel hoirs gemeyn schependoms desen brieffve open aen hebben doen hangen int jaer ons heeren ǁ duysent vyfhondert ende vyffentzeventich opten tweentwintichsten dach in augusto