Tilburg

Jan zoon wilnere Cornelis Peeters van Wyck, een stuck saeijlants van twee loopensaet oft daer omtrent begrypende, nochtans soe groot ǁ ende soo cleyn als tzelve gelegen is binnen der parochie van Goorlle ter plaetse geheyten aende bedvennen, aldair tusschen erffe ǁ nisse Cornelis Kemp met meer anderen deen zyde, ende tusschen erffenisse Christoffels Jans Janss. die Wit dander zyde ǁ streckende vanden erffenisse des prelaets van Tongerloe, totter erffenisse Jans Peeter Spapen, welck stuck erffs voors. ǁ die voornoempde Jan jegens Hubertten soon wilnere Geerit Henrick Adriaens, ende jegens Jannen soon wilnere Wouter ǁ Wouters, ende Jacoppen soon wilner Laureys Hoeffkens als momboor ende toesiender van Wouter ommundige soon wylen ǁ Henrick Wouter Henricx ende Marien synder huysvrouwe, dochter wylen Geerit Henrick Adriaens voors., ende jegens die ǁ andere erffgenamen desselffs Geerrits voorschreven, mits coope vercregen hadde, gelyck als dat in schepenen letteren van ǁ Tilborch dair op gemaict volcomenlycker was begrepen, heeft hy wittelyck ende erffelyck vercocht overgegeven ende ǁ opgedragen, Christoffelen soon Jan Janss. die Witte, tsamen mette voorschreven schepenen letteren ende voorwaerden ǁ daer aft mentie maeckende ende gewach doende, ende met allen trecht hem ennichsins daer inne toebehoorende, mett ǁ affgaen ende verthyen als dat gewoonlycken ende recht is, Ende heeft gelooft Jan vercooper voornoomt op hem zelven ǁ ende op alle syne goeden hebbende ende vercrygende, dit vercoopen overgeven opdragen affgaen ende verthyen voorschreven ǁ altyt vast ende stentich te houden ende in synen naem te doen houden sonder ennich wederseggen, ende alle commer ende ǁ calaengie van synen twegen daer op comende, altemaell aff te doen den selven, Oorconden hebben hierover geweest ǁ schepenen in Tilborch ende in Goorlle Cornelis Claes sone van Gierlle ende Jan de Witte Janssone, die den segell ǁ hoirs gemeyn schependoms desen brieve open aen hebben doen hangen, int jaer ons heeren duysent vyffhondert ende ǁ eenentseventich, opten vyffsten dach in december