Tilburg

Willem soon wilnere Jan Willem Aertssen, by den selven Jan, ende uuyt wilnere Anna zyn huysvrou, dochter wilnere Jacob Willem Me ǁ lis tsamen verwect ende vercregen synde, Een stuck lants sevenvierde vatsaets oft daeromtrent begrypende, gelegen inde pa ǁ rochie van Goorlle, ter plaetse geheyten den Bieswech, aldaer tusschen erffenisse der wedue Gielis Willemssen die Bont aen deen ǁ zyde, ende tusschen erffenisse Joost Laureys Willemssen dander zyde streckende vande erffenisse Jan Willem Henricx totten ǁ voors. Bieswech toe, daer eenen waterlaet tusschen beyde is loopende soe hy seyde, heeft hy wittelyck ende erffelyck ǁ vercocht overgegeven ende opgedragen, Peeteren soon wilnere Jan Soffairts, met affgaen ende verthyen als dat gewoon ǁ lycken ende recht is, Ende heeft gelooft Willem vercooper voornoomt op hem selven ende op alle syne goeden hebbende ǁ ende vercrygende dat voors. stuck lants te waren los ende vry, gelyc men los ende vry erven schuldich is te waeren, ende ǁ dit vercoopen overgeven opdragen affgaen ende verthyen voorschreven altyt vast ende stentich te houden ende in zynen ǁ naem te doen houden sonder ennich wederseggen, ende alle commer ende calaengie daerop comende altemael aff te doen, ǁ Behoudelyck dat die voors. Peeter sal onderhouden sheeren schouwe vande voors. waterlaet soo men dyen schuldich is te onderhouden ǁ sonder argelist, Orconden hebben hier over geweest schepenen in Tilborch ende in Goorlle Geerardt Henrick Borchmanssone ǁ ende Jan Cornelis Cornelis Danielssone, die den segel hoirs gemeyn schependoms desen brieve open aen hebben doen hangen, int ǁ jaer ons Heeren duysent vyffhondert ende eenentseventich, Opten elffsten dach in september