Tilburg

Adriaenzoon wilnere Jan Reynen, Een stuck heyvelts van drye ende een halff loopensaet oft dair omtrent be ǁ grypende, nochtans zoo groot ende zoo cleyn alst gelegen is binnen der parochie van Tilborch, ter plaetse, ge ǁ heyten aent Goorken, aldair tusschen erffenisse Jan Adriaenss. deen zyde, ende tusschen zyn andere erve ǁ dander zyde, streckende vanden erffenisse Henrick Claes Peeter Aertssen, totter gemeynte toe van Tilborch ǁ tGoorken voors. geheyten, soo hy zeyde, heeft hy wittelyck ende erffelyck vercocht overgegeven ende ǁ opgedragen, Peeterenzoon wilnere Jan Reynen, met afgaen ende verthyen als dat gewoonlyck ende ǁ recht is, Ende heeft gelooft Adriaen vercooper voornoempt op hem selven ende op alle zyne goeden ǁ hebbende ende vercrygende dat voors. stuck heyvelts te waren, los ende vry gelyc men los ende vry ǁ erffven schuldich is te waren, ende die vercoopen overgeven opdragen affgaen ende verthyden voors. ǁ altyt vast ende stentich te houden ende in zynen naem te doen houden sonder ennich wedersegghen ǁ ende alle commer ende calaengie dair op comende altemael aff te doen den selven, Oirconden ǁ hebben hier over geweest schepenen in Tilborch ende in Goorlle, Gerardt Henrick Borchmans ǁ sone ende Joost Reyner Gerardtssone, die den segel hoirs gemeyn schependoms desen brieve op en ǁ aen hebben doen hangen, int jaer ons heeren duysent vyffhondert ende eenentzeventich ǁ opten twelffsten dach in februario folio 3