Tilburg

Jansoon wilner Hubert Jan Geerits, de helft hem toebehoorende int vierendeel van eenen stuck beemden, den geheellen beemt ǁ ombedeelt een buijnder oft daer omtrent begrijpende, gelegen inde parochie van Tilborch, ter plaetse geheijten Caluwiel over die ǁ Leije, aldaer tusschen Heijstmans dijck aen deen zijde, ende tusschen erffenisse Margriet wedue Jacob Cornelis Heijmbricx metten ǁ kijnderen dander zijde, streckende van der erffenisse Megtelt wedue Fans Cornelis Heijmbricx, daer den stroom, die Leije geheijten ǁ tusschen beijde is loopende totter erffenisse Gielis Matheus  [***] met meer anderen, zoe hij zeijde heeft hij wittelijck ǁ ende erffelijck overgegeven ende opgedragen, Niclasen soon Aert Laureijs Aerts, met affghaen ende verthijen als dat ge ǁ woonlijcken ende recht is, ende heeft gelooft Jan vercooper voorgenoempde, op hem selven ende op alle sijne goeden heb ǁ bende ende vercrijgende, die voorschreven helft hem toebehoorende int vierendeel van eenen stuck beemden te waren, ǁ los ende vrij, gelijc men los ende vrij erffven schuldich is te waren, ende dit vercoopen over geven opdragen affghaen ende ǁ verteijen voors. altijt vast ende stentich te houden ende in sijnen naem te doen houden sonder ennich wederseggen, ende ǁ alle commer ende calaengie dair op comende altemael aff te doen. Des sal hij Niclaes voorschreven onderhouden ǁ s’heeren schouwe van d’voorschreven Leije nader onder gewoonte. Oorconden hebben hier over geweest scepenen ǁ in Tilborch ende in Goorlle Cornelis Claes sone Van Gierlle ende Geerardt Henrick Bacxmans sone, die den ǁ segell hoirs gemeijn schependomps, desen brieve open aen hebben doen hanghen. Int jaer ons heeren duijsent ǁ vijffhondert ende achtentsestich, opten negenentwintichsten dach in december folio 70