Tilburg

Cornelis soen wilnere Jan Willemss van Riel heeft geconsenteert gegunnet ende verleent Jannen soen wilnere ǁ Goiairt Gillissen ende synen naecomelingen dat sy alsulcke jairlycken ende erfflycken chyns van tachtentich ǁ stuver als Jan voors. den voorn. Cornelissen huyden des daechs geloeft hadde te vergelden alle jair ǁ op onsser liever vrouwen dach lichtmisse uuyt ende van huys hoff metten gronde ende erffnisse ǁ dair aen liggende ende dair toebehoorende elfftalff lopensaet oft dair omtrent begrypende ǁ gelegen inden prochie van Tilborch ter plaetssen geheyten aen die zegers huys en aldair tusschen ǁ erffnisse Thys Steven Meeuss deen syde ende tusschen erffnisse Peters Steven Meeuss zyns brueders ǁ dander syde streckende vander gemeynder straten tot erffnisse Peters Wyten, nochtans eenen ǁ gemeynen waterlaet dair tusschen beyde loopende sullen mogen losschen quyten ende vryen tot ǁ hunnen schoensten altyt tot lichtmisse met drieenvyftich karolus gulden twintich stuver oft de ǁ werde der selver in anderen goeden gevalueerden gelde als ten tyde der afflossinge gemeynlycken ǁ cours ende ganck hebben sal ende van hant tot hant goede betalinge wesen sal voor elcken karolus ǁ gulden voors. te rekenen tsamen metten jairchyns ende allen den achterstelle alsdan ten achtere ende ǁ ombetaelt staende, behoudelycken dat hy Jan ende zyn naecomelingen gehouden sullen zyn tselve sint ǁ Janssmisse te vooren op te seggen ende wittelyck te vercundigen Oirconden hebben hyer over ǁ geweest scepenen in Tilborch ende Goorll Cornelis Claess van Ghierll ende Willem Joost Berysz. die ǁ den segell hoirs gemeyn scependoms desen brieff op en aen hebben doen hangen int jair ons heeren duyssent ǁ vyffhondert ende tsestich den vyffthiensten dach in februario,

folio 72

J. Berys, secretaris ǁ 1560