Tilburg

Jan zoen wilner Michiels van Lierop heeft geloeft als principael schulder hun te gelden te geven ende wel te betalen, ǁ Wouteren zoen wilner Antonis Diercx ende Cornelisen Claeriss van Ghierll als meesteren der fabrycken vander kercken va [***] ǁ Tilborch tot behoeff der selver fabrycken ende kercken voirschreven eenen jairlycken ende erffelycken chyns van vyffende ǁ veertich stuveren te vergelden in eygelyck jaer inden hoochtyde van Pincxten, waar aff den yersten termyn ende dach ǁ van betalinge sal syn ende vervallen inden hoochtyde van Pincxten nu naestcomende uuyt ende van huysinge ǁ hovinge ende erffenis dair aenliggende ende dair toebehoerende vier mudsaet oft dair omtrent begrypende ǁ behoudelycken dat daer tusschen beye inne liggende is zekere erffnisse toebehoirende Willemen Verschueren gelegen dese ǁ voirs. vier mudsaet tusschen erffenis Willems Verschueren voirs. deen zyde ende tusschen die gemeyn straet aldaer ǁ geheyten die Moerstraet dander syde, hodende metten eenen eynde aen erffenis Willems voorn. ende ǁ [stukje opengelaten] ende metten anderen eynde aen die ghemeynt van Tilborch soe hy seede Ende heeft geloeft Jan voorn. ǁ als principael schulder op hun ende op allen zyn gueden die hy nu heeft ende noch naemaels hebben ende vercrygen ǁ sal moegen den voirschreven chyns te waeren gelyck men erffchynsse schuldich is te waeren ende die voirs. huysinge ǁ hovinge ende erffenis voirs. altijt goet zeker genoech ende waeldoogende te maken als voorden erffchyns voirs. dair ǁ jairlycks uuyt te vergelden soe voirs. staet, ende allen commer ende calaingien dair inne wesende altemael aff ǁ te doen den selven met conditien hier inne toegedaen dat, Jan voirs. off zynen naecomelingen desen chyns vanden ǁ vyff ende veertich stuveren voirs. sullen mogen losschen ende oock gehouden ende verbonden sullen syn te losschen ǁ ende te quyten als den dorden chyns vanden voirs. erffchyns vervallen ende verschynen sal te wetende van Pentecostes ǁ nu naestcomende over twee jaeren ende dat, metter sommen van zessendedartich karolus gulden ende acht stuveren ǁ den karolus gulden voirs. tot twintich stuveren gerekent oft die werde in anderen goeden gevalueerden gelde ǁ dair voor tsamen oick metten achterstelle als dan daer aff ten achtert ende ombetaelt staende, dwelck die voirs. ǁ Jan als principael schulder den voirs. kerckmeesteren tot behoeff der kercken voirs. opte verbyntenisse als ǁ boven alsoe geloeft heeft sonder argelist Oirconden hebben hyer over geweest scepenen in Tilborch ende ǁ Ghoirlle, Laureys Henricx Zwyssen ende Aert Marteeyss van Vessem die den zegell hoers gemeyn scependoms ǁ desen brieff op en aen hebben doen hangen int jaer ons heeren duyssent vyffhondert ende tweenveertich den ǁ zevenentwintichsten dach van december

Dorsale aantekening:

Jan Michielssen van Lierop