Tilburg

Peeter Peeter Faessoon als man ende momboir Jennekens sijnder huijsvrouwe ǁ dochtere Jan Adriaen Smolders heeft gelooft als een principael schulder te ǁ gelden te gheven ende wel te betalen Stevenen soone wilneren Claes ǁ Stevens ende Willemen soone wilneren Joost Berijs tot behoeff Jan [***] ǁ soon van Stevenen voorschreven ende van Berijsen sijne wettige huijsvrouwe ǁ dochtere wilneren Joost Berijs Eelkens oock voorgenoemde, Eenen jaerlijcken ǁ ende erffelijcken chijns van elff carolus gulden van twintich stuijvers ǁ tstuck off die waerde in anderen goeden gelde als ten tijde der betalinghe ǁ gemeijnlijck cuers ende ganck hebben, ende van handt tot handt goede ǁ betalinghe wesen sal, alle jaer erffelijck op onse liever vrouwen dach ǁ Lichtmissen, waeraff den iersten termijn ende dach van betalinghe sal sijn ǁ ende vervallen van Lichtmisse nu naestcomende over een jaer, ende dat ǁ uuijt ende van huijsinge, hovinge metten gronde ende toebehoirten ende ǁ uuijter erffenis daerane soo beemden ende weijden liggende ende daertoe ǁ behoirende in alder grootten alst tsamen aldaer geleghen is inder prochien van ǁ Ghoorle ter plaetschen geheijten aen die Abcoven, tusschen eenen gemeijnen ǁ dijck geheijten den Abcovenschen dijck aen deen zijde oistwaert, ende tuschen ǁ een gebuerweghsken ende der ervens heer Jan Soffaerts, ende Pauwels ǁ Hendrick Pluijmen soon aen dander zijde westwaert, hoodende metten ǁ vorsten eijnde aen die gemeijnstraet aldaer, ende metten anderen eijnde ǁ aen seeckere erffve oft gemeijnte geheijten die Donckt, Ende noch uuijt ǁ ende van een stuck landts geheijten den Grootten Acker drijentwintich ǁ loopensaet oft daeromtrent begrijpende geleghen inder prochien voorschreven ǁ ter plaetschen geheijten in die Abcovensche Ackeren aenden Doorenwech ǁ tusschen den voorschreven Doorenwech aldaer, ende der erffenis Jan ǁ Soffaerts met meer andere deen zijde, ende tusschen erffenisse des Heijlichgeests ǁ van Ghoorle met oock meer andere aen dander zijde, hoodende metten ǁ eenen eijnde aen erffenis Wouters van Haren, der weduwe wilneren Quireijn ǁ Peeter Berthoults met hair kijnderen, ende oock met meer anderen, ende metten ǁ anderen eijnde aen erffenis der erfgenamen wilneren Jan [***], Alsoo ǁ hij seijde. Ende heeft gelooft die voorschreven Peeter op hem selven ende op alle ǁ sijne goeden hebbende ende vercrijgende den voorschreven chijns te waren alsmen ǁ los ende vrij chijnsen schuldich is te waeren, Ende de voorschreven onderpanden ǁ altijt goet seecker genoch ende weldogende te maken als voor de vergeldinge des ǁ voorschreven chijns daer uuijt te betalen soo voorschreven staet, Ende allen commer ǁ of calaengie daerop comende altemael [af te] doen den selven, sonder argelist ǁ oirconden hebben hierover geweest Laureijs Hendrick Zwijzen ende Jan Janssoon van Raeck ǁ schepenen binnen Tilborch ende Ghoorle die den seghel heurs gemeijn schependoms desen ǁ brieve op en aen hebben doen [han]ghen inden jaer [duijsent ses]hondert sessenveertich opden sesse ǁ [se]ptembris

Dorsale aantekening:

Op huijden dato ondergeschreven compareerde ǁ voir mij Balthazar vanden Hoevel openbaer ǁ notaris ende clerck des secretaris ǁ van Tilborch Nicolaes Adriaen Stevens ǁ Cornelis Cornelis Anthonisse hen fort ende ǁ sterck maeckende voirden anderen erffgenamen ǁ hier inne gerecht sijn Ende hebben bekent ǁ kennende midts desen geheelijcken voldaen ǁ ende betaelt te wesen van den chijns van ǁ elff carolus gulden tstuck tot XX stuijvers naerder ǁ op dander sijde int witte geruert de ǁ welcken zij comparanten verclairen midts ǁ desen geheelijcken gecasseert door ende ǁ te nijet [***] te zijn, Gelovende ǁ onder t verbant van hunne respe[ctiev]e ǁ persoonen ende goeden den gelden van ǁ dijen oft onderpanden daerinne begrepen ǁ ter saecken van selve nijet meer ende te ǁ molestere doen noch laten molesteren ǁ in ennicher m[anieren] des toirconden ǁ deses selffs neffens den clerck [***] ǁ opten [VI]e dach [***] tot december ǁ 1622 ende [***] ǁ [***] ǁ Cornelis Cornelis Antonijs ǁ mij aldaer  [***]