's-Hertogenbosch

Bernaert Grevenraet gemechticht tot sgeens naevolgende is uuijt crachte van seeckere procuratie brieven der Scepenen van Antwerpen ende uuijt crachten ǁ der machten hen inde selve brieven van Ghijsbrechten Jan Thomassen als bleecke gegeven ende verleent de helft ende allen trechts paert actie ende gedeelt, ǁ den voirs. Ghijsbrechten competerende in eenen jairlicken ende erffelicken chijns van seven ende dertich carolo gulden ende thien stuvers twintich ǁ stuvers oft die werde daervoir in anderen gevaluerden gelde voir elcken gulden te reeckenen, Te betailen alle jair erffelick opten iersten dach der maent van Junio ǁ Ende binnen der stadt van Shertogebossch vrij van alle beeden, subventien, exactien, allen anderen commeren lasten ende ongelden ende oijck van thiensten ende twintichsten ǁ penningen vande hoeve off Staten van Brabant off vander stadt vanden Bossche eertijts geseth ende allen anderen lasten die bijde staeten oft stadt naemaels ǁ geseth sullen wordden te leveren van ende uuijt een hoeve Reijneren van Breederoode, heere tot Cloetingen, des lants van Voshol, van Reeuwijck, Asten [***] ǁ toebehoirende gelegen inde prochie van Tilborch ter plaetse genoempt Aen,tBroeck aen Bacxdijck, te wetende van ende uuijt de huijsen, erven, hoven landen ǁ beempden weijen heijen houdtwassen ende ander rechten ende toebehoirten der selver hoeve waer die gelegen sijn ende bevonden sullen wordden. Noch van ende uuijt ǁ een wijntmoelen den voirs. Reijnderen toebehoirende staende inde prochie van Oisterwijck ter plaetsen genoempt Kerckhoven. Noch van ende uuijt een water ǁ moelen metten rechte ende tgemael ende emolumenten vande selver moelen heuren rechten ende toebehoirten. Ende voirts van ende uuijt allen ende eenijegent ǁ andere gueden des voirs. Reijnders waer ter plaetsen, die gelegen sijn ende bevonden sullen wordden welcken voirs. chijns Jouffrouwe Catharina Cocx, ǁ dochter wijlen Jans Cocx ende weduwe Erasmi Schets als geinstitueerde erffgenaem van Barbara haire susteren dochter des voirs. Jans Cock erffelick opge ǁ dragen hadde Jannen ende den voirs. Ghijsberden gebruederen soonen wijlen Jans Jans Thomassen. Gelijck men seeghde in scepenen brieven der stadt van Sherto ǁ genbossche ende op gemaect breeder begrepen te wesene, waervan den daet begrijpt den sesden dach der maent van meerte des maendachs naeden ǁ Sondach als men singt Letare Inte jair onssheeren dusent vijffhondert acht ende vijftich heeft hij wittelick ende erffelijck opgedragen ende overgegeven ǁ Huijbrecht van Brouhesen tot behoeff van Jannen Goetseels soene wijlen Goijartssen Goetseels. Tsaemen metten voirs. brieven ende metten geheelen rechte hem ǁ inde voirs. brieven ende den inhoudt van dijen ennichsins competerende ende metten achterstellen van sess jairen daer aff verschenen ende ombetailt staende ǁ ende heeft helmelinge daerop vertegen inne manieren inne dijen gewoenlicken sijnde. Gelovende die voirs. Bernaert Grevenraet uuijt crachte sijnder ǁ gegevender machte onder verbant van allen den goeden des voirs. Ghijsbrechts soene Jans Thomassen present ende toecoemende dat hij den voirs. Jannen ǁ Goetseels vande voirs. helft der jairlicke ende erffelijcke renthe voirs. schuldige ende gerechtige sal doen warantschap. Ende dat hij oijck allen commer calain ǁ gie, ende aentael in de voirs. helft der jairlicke ende erffelijcke renthe voir. wesende ofte coemende den voirs. Jannen Goetseels aff sal doen geheelicken ǁ ende dat hij oijck de voors. gestelde onderpanden voir de betalinge des helfts der renthe voirs. den voirgen. Jannen Goetseels jairlicx daeruuijt te vergeldene ǁ gelijck voirs. staet altijts goet genoech ende waelduegende sal maecken ende houden. Getuijgen waren hier over  Scepenen inne S'hertogenbossche ǁ Zeger Adriaenssen ende Ghijsbert vande Stegen. Gegeven den derthiensten dach der maent van Julio int jaer Onss Heeren duijsent vijffhondert ǁ sevenendetachtentich

J van den Velde

Dorsale aantekening:

Tilborch ǁ Jan Goessels de helfft ǁ van 37 guldens 10 stuivers ǁ Anno 87