Onbekend

Eugenius, episcopus, servus servorum Dei, dilecto filio decano ecclesie sancti Iohannis evangeliste de Buscoducis, Leodiensis diocesis, salutem et apostolicam benedictionem. ǁ

Piis fidelium votis, illis presertim per que divinus cultus protenditur et animarum saluti consulitur, libenter annuimus eisque quantum cum Deo possimus favorem apostolicum impartimur. ǁ

Exhibita siquidem nobis nuper pro parte dilecti filii Iohannis Bac, laici Leodiensis diocesis, petitio continebat quod dudum quondam Arnoldus dictus Bertolt Bac, laicus, unus ex eius progenitoribus, ǁ de anime eius salute recogitans et in celestibus thesaurisare cupiens ad Dei laudem et gloriam ac pro divini cultus incremento quoddam altare in parrochiali ecclesia ville sive loci de ǁ Weesttilborch, dicte diocesis, in honorem et sub vocabulo gloriosissime Dei genitricis virginis Marie ac sancte Catherine, de propriis bonis fundavit et instituit ac certis redditibus, proventi-ǁ bus et bonis pro presbitero missas et alia divina officia ibidem perpetuo celebraturo sub certis conditionibus, modis et formis dotavit ac successive ipsius Arnoldi heredes sive successores dicti ǁ altaris patroni et in pacifica possessione vel quasi iuris presentandi personam ydoneam ad dictum altare illius vacationis occurrente tempore fuerunt, prout dictus Iohannes existit de pre-ǁ senti.

Cum autem, sicut eadem petitio subiungebat, prefatus Iohannes, singularis devotionis quam ad sanctas Mariam virginem et Catherinam predictas gerit causa et ut securius ǁ apostolici ministerii aminiculo iure patronatus huiusmodi potiri possit, dotem ipsam in tertia parte augmentare proponit, si potiori pro tutela premissum ius patronatus sibi pro se suisque succes-ǁ soribus et heredibus perpetuo reservetur, pro parte dicti Iohannis nobis fuit humiliter supplicatum ut super hiis sibi eiusque statui oportune providere de benignitate apostolica dignaremur. ǁ

Nos itaque, qui tam pium ipsius Iohannis propositum in Domino multipliciter commendantes huiusmodi supplicationibus inclinati discretioni tue per apostolica scripta, mandamus quatinus ǁ super premissis omnibus et singulis eorumque circunstantiis universis auctoritate nostra te diligenter informes et, si per informationem huiusmodi tibi de premissis legitime constiterit ǁ prefato Iohanni dotem ipsam in premissa parte, ut prefertur, augmentandi, eadem auctoritate licentiam concedas et etiam facultatem et insuper Iohanni et eius successoribus ac here-ǁ dibus predictis, si et postquam dictus Iohannes prefatam dotem in premissa parte, ut prefertur, augmentaverit, ius patronatus et presentandi personam ydoneam huiusmodi ad dictum ǁ altare quotiens illud ex quavis causa vacare contigerit eadem auctoritate perpetuo reserves, iure tamen dicte ecclesie et cuiuscunque alterius in omnibus semper salvo, non obstantibus ǁ constitutionibus et ordinationibus apostolicis ceterisque contrariis quibuscunque.

Datum Florentie, anno incarnationis Dominice ǁ millesimo quadringentesimo quadragesimoprimo, idus ianuarii, pontificatus nostri anno undecimo.