Hilvarenbeek

Wij Jan van Eijnde ende Aernt van Tulder scepenen in Beeck tuijgen onder onsen gemeijnen zegel ǁ dat voer ons is coemen Wouter zoen wilner Peters Wouter Bax zoen, die helft tot hem als hij seede ǁ behoerende in eender jaerlijcker ende erffelijcker renten van veertich stuvers de welcke Mathijs. wilner ǁ Jan Jacops. van Eijnde erffelijcken vercocht ende geloeft hadde te gelden ende te betalen Cornelisse zoen ǁ wilner Wouter Bax alle jaer op onser vrouwen dach lichtmisse uuijt ende van eenen stuck beempts ǁ metten heijvelde daer aen gelegen geheijten die Overdongen gelegen tot Baeschot metter eender zijde ǁ ende metter eenen eijnde aen erffenisse Joes Denen metter ander zijden neven erffenisse Bartholomeus Snellen, Item noch ǁ hier toe die helft in een jaerlijcker ende erffelijcker renten van twintich stuvers de welcken Mathijs ǁ voers. den selven Cornelisse geloeft hadde te gelden ende te betalen alle jaer op onser vrouwen dach ǁ lichtmisse uuijt ende van onderpande voers., Item noch hier toe die helft in een jaerlijcke ǁ ende erffelijcke rente van veerthien stuvers de welcke Jans. wilner Jan Jacops. van Eijnde erffelijck  ǁ vercocht ende geloeft hadde te gelden ende te betalen Woutere ende Cornelisse zoen wilner Peters ǁ Wouter Bax zoen alle jaer op onser vrouwen dach lichtmisse uuijt ende van zijnder huijsinge ǁ ende hoevinge metter erffenisse daer aen liggende ende daer toe behoerende gelegen tot Baesschot gelijck ǁ als dit in versceijden scepenen brieven van Beeck daer op gemaect volcomelijck begrepen is als hij seede ǁ Ende welcke veertich stuvers ende twintich stuvers erffelijcke renten voers. Wouteren ende Cornelisse ǁ zijnen brueder in recht van versterve aencoemen ende verstorven zijn van ende nader doot Cornelis hueren ǁ oems voers. als hij sede, heeft hij wittelijcken ende erffelijcken overgegeven ende opgedragen Jannen ǁ Peter Mijs. Everarden Joerden Scellekens. ende Jannen van Eijnde Jans. tsaemen metten scepenen brieven voers. ǁ  [***] allen den recht hem daer inne Cornelis soens toebehoerende met afgaen ende vertijden in manieren ǁ  [***] dit gewoenlijcken is, Gelovende Wouter voers. op hem ende op allen zijn goeden hebbende ende ǁ vercrijgende dese opdracht Jannen Everarden ende Jannen voers. altijt vast ende stendich te houden sonder ǁ ennich wederseggen, Ende allen commer ende calaengie van zijnen wegen [***] ǁ oems wegen ende van allen zijnen anderen erfgenamen ende naecomelingen [***] ǁ aff te doen den  [***] behoudelijcken  [***] daer inne  [***] ǁ inden jaer ons heeren duijsent vijfhondert [***]sestien[***]