Tilburg

Wy Scouteth, Schepenen, Gezworene, Reeckemeestere, kerckmeesteren, ende heyligeesmeesteren, binnen der ǁ heerlycheyt, ende der dorpen van Tilborch, ende Goorlle, vuyten naem van ons selven, ende voorts vuijten name ǁ van alle onse ingesetene der heerlycheyt, ende der dorpen voors. , die wy in tgene hier nae volgen zall, ǁ met hennen vryen will, weten, ende consent, inne desen syn vervangende, maken condt eenen yegelycken ǁ dat wy volgende der consente, van onse alregenedichste heere, die Conincklycke majesteijt van Hispanien, ǁ als hertoige van Brabant, blyckende tzelve by zynder majesteijt opene brieven van octroye, gedateert van den ǁ zevensten dach in julio, inden jare ons heeren duysent vyffhondert, ende vyffentzeventich, ondergeteeckent ǁ [***] de Zoete, met wille, weten, ende vervolge van joncheeren Kaerlle van Malsen, onse tegenwoordige heere ǁ van Tilborch, ende Goorlle voors., om te vervallen, die costen, schaden, ende lasten, die wy hebben geleden ǁ ende noch dagelycx zyn lydende, deur die continuele tochten, vuyt eringen, ende onderhoudingen van alre ǁ ley ruyteren, ende zouldaten, te voet ende te peerde, die dagelycx deur dese heerlycheyt, als gelegen ǁ opte groote, ende gemeyne herbanen zyn passerende, ende repasserende, Voort deur dat onderhout ǁ vanden stercten inde Lange strate, tegens die van Sinte Geertruydenberge, ende deur andere mennich ǁ fuldige ende onverdrachelycke lasten, daer inne wy geduerende dese tegenwoordige troublen be ǁ laten ende gevallen zyn, wittelyck, ende erffelyck, hebben vuytgegeven, ende met voorgaende kercke ǁ gebode, ten afthange voor alleman vercocht hebben, in eenen wittigen coope, Gysbertenzoon Anthonisen ǁ Laureys Jan Berthouts, Een stuck erffs, of gronden van onse gemeynte tot heye, ende weye liggende ǁ zess loopensaet min sess roeyen, oft dairomtrent begrypende, gelegen binnen der parochie van Tilborch, aldair ǁ buyten den Berckdyck inden oude Leye, tusschen erffenisse Hubert Peeter Jan Adriaenssen, by hem van ǁ dese gemeynte oock innegenomen, aen die een syde, ende tusschen erffenisse, by dwedue Jan Cornelis ǁ Wouters innegenomen, aen die ander syde, streckende vander vander gemeynte van Tilborch, totter ǁ erffenisse by Pauwels Geerit Jan Gyben, ende Cornelis zyn bruer innegenomen,ende den nieuwen geordineert ǁ den schauwaterlaet, tusschen beyde, verloopende, omme dat selve stuck erffs, oft gronden voors. by ǁ Gysberten coop voorgenoomt, innegegraven, besloot, ende beheynis te mogen worden, soo hy, ende syn ǁ erven, oft nacomelingen, baet, ende proffyt dair aff sullen willen hebben, Ende hebben wy dairop, tot behoeff ǁ desselffs coopers voors. volcomelyck vertegen, met overgeven, ende affgaen, in vuegen ende manieren, als dat ǁ behoorlycken, ende recht is, Geloivende wy Schouteth, schepenen, gezworens, Rekemeesters, kerckmeesters, ende ǁ heyligegeestmeesteren, alle bovengenoomde, voor ons zelven, ende voor onze voren ende nacomelingen innegesetenen ǁ deser heerlycheyt voors., onder dat verbant van alle de goeden, totter selver onsser gemeynten, behoorende ǁ Gysberten coop voors., dat zelve stuck gronden van erven te waren los ende vry, gelyc men los, ende vry erven ǁ schuldich is te waren, ende dit vercoopen, vuytgeven, opdragen, affgaen, ende verthyen voors., altyt vast ende ǁ stentich te houden, ende van onsent wegen te doen houden sonder ennich wederzeggen, ende alle commer ende ǁ calaengie dair op comende, altemael aff te doen Behoudelyck dat die voorgen. coop hier vuyt sall gelden ǁ jegens dat buynder, twee stuvers Brabants, nae advenant, tsiaers gewinchyns, in des hertoigenchyns op ǁ Sinte Thomasdach, tot Oisterwyck te betalen, ende dat dit erve ten eeuwighen dagen zall staen ten schote ende ǁ ten lothe, ende voorts ten gebode des heeren, als van schouwen, van heyningen, van watergangen, van wegen ende ǁ van stegen, zoe die van des heeren ende der wethouderen wegen alhier alreede geordineert zyn, ende in ǁ toecomenden tyde tot gemeyn welvairt van den landen geordineert zullen worden, Ende des toorconden zoe ǁ hebben wy Schepenen voors., ten versuecke van den Schouteth, gezworens, reeckemeesters, kerck ende heylige ǁ geestmeesters, oock voors. den zegell ons gemeyn schependoms, hier onder aen doen hangen, Gegeven int jair ǁ ons heeren, duysent vyffhondert ende negenentseventich, opten twelffsten dach in februario folio 70